Şehrîban Aslan

 

AMED - Qorîcî Orhan Çetîn ke cinîya ey dir zewicnaye Naîle Çetîn bi îşkence qetil kerd, bi cezaya muebetê giran ame cezakerdiş. Dadgehe dîyar kerd ke gumanbar îftereyan Naîle keno û ceza nêvist.

 

Qezaya Pasûrî ya Amedî de gumanbar Orhan Çetîn ke qorîcî bi, 2018 de cinîya xo Naîle Çetîn bi îşkence qetil kerd. Diima ra  gumanbar ame tepiştiş û serdozgerîya komare ya Amedî derheqê gumanbarî de sucê ‘kiştişê cinîya xo ya bi ezîyet’ îdianame amade kerd. Îdianame hetê 12in Dadgeha a Giran ya Amedî ra ame qebûlkerdiş û menga sibate de roniştişê qerarî ame vînayîş.

 

Îdianameyê ke dozgerî amade kerd de gumanbar îfadeyê gumanbaran  rêzê kerd û îdia kerd ke Naîle bi kesêk bîn dir têkilîyê ci bîya û serê gumanan dir aye qetil kerdo.

 

Netîceyê otopsîyê Tipê Edlî yê Amedî de dîyar kerd ke derbêk kiştişê serê Naîleye de bîyo û bedenê aye rêça îşkenceyî ameyê vînayîş, birînê bedenê aye giran bîyê û sebebê merdişî zî netîceyê girêdayîşê fek û zince bîyo.

 

Dadgehe sucêke bîn ra cezaya gumanbarî taloq kerd

 

Eynî îdianameyî de ame dîyarkerdiş ke gumanbar verê zî îşkenceyê sîstematîk Naîle rê kerdo û dosya ameya akerdiş Dadgeha Cezaya Asliyeya Pasûrî de la dadgehe eşkerakerdişê hukmî peyser visto.

 

Dozgerî ra waştişê muebetê giran

 

Dozgerî îdianameyê xo de dîyar kerd ke gumanbar bi dejantiş û îşkenceyî maktul qetil kerdo û waştişê cezaya muebetê giran kerd. Roniştişê qerarî menga sibate de 12in Dadgeha Cezaya Giran ya Amedî de ame vînayîş. Dadgehe dîyar kerd ke gumanbar sûcê ‘bi ezîyet kiştişê kesêk’ kerdo û qerarê cezaya muebetê giran da. Sewbîna dadgehe dîyar kerd cayê ke ceza bêro vistiş zî çin o.