AMED - Rayberê PKKyî Abdullah Ocalan bi vatişê 'Cuye bi rastiya dadîye de girêdaye ya' dadîya xo Uveyş Ocalan û tesîrê aye yê serê cuye ci de kitab û qiseykerdişê xo de ano ziwan. 

 

Dadîya Rayberê PKKyî Abdullah Ocalanî Uveyş Ocalan, 11ê Nîsana 1993 de dinyaya xo bedilnaye. Uveyşa ke 26ê Teşrîna Peyêne 1918ine de dewa Amara (Omerli) ya qezaya Halfetî ya Rihayî de babîyê kurd û dadîyêke Tirkmene ra ameye dinya, 75 serrîya xo de dinyaya xo bedilnaye. Rayberê PKKyî Abdullah Ocalanî derheqê dadîya xo de wina vano: "Cuye bi rastîya dadîye de girêdaye ya. Vernîya her çî hetê fizîkî de bîyayîş rastîya dadîye yo" û tesîrê ke dadîya ci serê ey de verdayo û senîn  têkoşînê cinî ra îlham girewto, xeylêk qiseykerdişanê xo de ano ziwan.

 

Uveyş Ocalan kam a?

 

Uweyş Ocalan dewa Amaraye ye Xelfetîyê Rihayî de ameye dinya. Emrê qij de bi kesêk dewêke nêzdîye înan ra yena zewicnayîş. Kesê ke ey dir ameya zewicnayîş, hewl dano ke cinîyêke bîn biremno û seba ke cinîya ke wazeno biremno, nêwazena ci dir biremo kişeno. Dadîya Uveyşe nê serebûtî rê dadgehe de şahidî kena û bena sebebê cezagirewtişê kesê cinî kişta. O kesê ke serê îfadeyê Dadîya Uveyşe de yeno tepiştiş, zîndan de krîzê qelbî derbaz keno û cuya xo bedilneno.

 

Uveyşe dimayênê agêrena verê keyeyê xo û bi Omer Ocalan ke eynî dewe de bi dir zewecêna. Zewacê înan ra hîrê lajî û çar kênayê aye benê. Uveyşe seba nêweşîya şekirî  Edene de tedawî vînena la peynî de lingêke aye yena tirakerdiş. Dimayê tedawîya serrêke uca de 11ê Nîsana 1993 de seba krîzê qelbî qelbî wefat kena. Cenazeya aye dewa Amarayî de xeylêk ci ra hes kerdêne, yena definkerdiş.

 

Seba Kurdistanî şer

 

Uveyşe bi şexsê xo yê xurt û bi xoverdayîşê xo yena naskerdiş û 4ê Nîsana 1949 de tutêk ardibi dinya nêzanibi ke do bibo rayberêk û çarenûsê Şarê Kurdî bivurno. Uveyşe vatişê sey, ‘Mi rê kumaşêke fistan bigîre’ vana û serê nê de Abdullah Ocalan wina vano: “Seba erjîyayeya aye bî, goreyê mi ganî ez seba Kurdistanî têkoşîn bikerdêne. Pêwa heme nakokî û pêrodayîşan reyna zî ewladêk baş ê dadîye wina mimkun o."

 

Uveyşe hesreta seba Abdullah Ocalanî reyna bi erjnayîşê têkoşînê ci ana ziwan. Nuştoxê Kurdî û rojnameger Musa Anter kitabê xo yê bi nameyê ‘Vîrardişê mi de' tewrbîyayîşê Uveyş Ocalanî yê 1991 de tewrê kongreya Anqarayî ya HEPî bibî wina vat: "Nasnayîşê mêmanan ameyîne kerdiş. Seba mi vatî, kalê ma Musa Anter û seba Uveyş Ocalane zî vatî dadîya ma hemine verê ma de ya. Qiyamet rawişt. Bi hezaran kesî seba destê ma maç bikerê, kewtî rêze. Bi rastî na kongre cuya mi de tewr rengîn bî."

 

Amara de ameye definkerdiş

 

Uveyşe bi nêweşîyêka giran a şekirî kewena û çaqayêke aye yeno tirakerdiş. Dimayê demêk wedarnenê nêweşxaneyê Edene û tedawî bena. Lê Uveyşe 11ê Nîsana 1993ine de nêweşxane de dinyaya xo bedilnena. Cenazeya aye Amara de ameye definkerdiş.