Melîke Aydin

 

ÎZMÎR - Paştdayîşê Morî ke xo amade keno Îzmîr de di komeleyan abikero, derheqê babete de Buşra Yeşîlbaş qisey kerd û vat: "Hedefê ma oyo ke cinîyê ke nêvejîyenê teber, komele de bêrê têhet û uca ayîdê xo bivînê."

 

Edene, Mêrsîn û Stenbol ke 4 şubeyê Paştdayîşê Morî ci de estê,  Îzmîr de hewl dano ke di komeleyan abikero. Komeleya ke yena plankerdiş, merkezê ci Karşiyaka bêro akerdiş, a bîne zî do  Buca de bo. Paştdayîşê Morê Îzmîrî Buşra Yeşîlbaş derheqê amadekarîyê akerdişê komeleyan de qisey kerd û dîyar kerd ke komele bi taybetî hedef kena ke xo biresno cinîyê taxan.

 

Buşra vat, seba pandemî di serran mabêne dayê xebatanê komele û nê  rojan Îzmîr de lez dayê xebatanê xo û vat: "Sey Paştdayîşê Morî komîsyonê ma estê. Seba nê komîsyonê ma tewr baş bixebityê do komele bibê nokteya esas. Ma do xebatê atolye û komîsyonê xo sey prosesêk faliyetê komele de bi ca bêro awan bikerê. Xebatanê taxan de ma do xo biresnê cinîyê taxan."

 

Buşra dewam de wina qal kerd: “Cinî wexto ke xo resnenê ma, ewil komele pers kenê. Hedefê ma oyo ke cinîyê ke nêvejîyenê teber, komele de bêrê têhet û uca ayîdê xo bivînê. Atolya fîlman, komîsyonê psîko-komelî, komîsyonê huqûqê atolyeyan do abikerê û ma do prosesêk hişmendî awan bikerê."

 

Buşra vat, komela sazgehê paştdayîşê cinîyan a û  heme cinîyan rê akerde ya û wina vat: “Fehmê şaredarîyanê herême de paştdayîşêk seba cinîyan çin o. Wexto ke ma muracat kenê, her tim bi eynî problemî dir yenê rî bi rî. Dewlete paştdayîş birnaya, walîtî seba krîzê ekonomî çimeyan sînor keno. Cewabê wina ameyîne dayîş. Reyna ma paştdayîşê cinîyan ra paştdayîş gênê. Ma paştdayîşê ekonomî û manewî ya cinîyan pawenê."