ANQARA - Çarçewaya cipersayîşê hetê Serdozgeriya Komare ya Anqarayî ra ame destpêkerdiş, 13 bajaran de derheqê 91 kesan de qerarê destbendkerdişî ame dayîş.

 

Çarçewaya cipersayîşê hetê Serdozgerîya Komara ya Anqarayî ra ame destpêkerdiş, 13 bajaran de derbheqê 91 kesan de qerarê destbendkerdişî ame dayîş. Ame dîyarkerdiş ke no operasyonê destbendkerdişî binê nameyê “Cipersayîşê Kobanî” de ameyo destpêkerdiş û heta nika 46 kesî ameyî destbendkerdiş. 

 

Operasyonê sereştişê keyeyan, bajaranê sey Amed, Riha, Stenbol, Edene, Mêrsîn û xeylêk bajarê bînan de ameyo kerdiş. Ame zanayîş ke hemşaredarê HDPyî yê verê zî mîyan de xeylêk kesî ameyî destbendkerdiş.

  

Nameyê hîn kesê ke ameyê destbendkerdiş wina yê: Hemşaredarê Akdenîzî yê verê Fazil Turk, xebatkarê Şaredariya Akdenîzê yê verê Hasan Çat, Selamî Turan û Ulfiye Özcan, xebatkarê Şaredariya Bajarê Girdî ya Amedî avûkat Metîn Kilavuz, Hesapgirê HDPyî yê verê Zekî Çelîk. Îdarekarê HDPyî yê Edeneyî Mustafa Bîlgîç, Şefîk Ozbey, Necmettîn Aslan. 

  

Serdozgeriya Komare ya Anqarayî derheqê cigêrayîş de eşkerayîyêke nuşte weşan kerde. Goreyê na eşkerayîye yeno îdiakerdiş ke kesê “Serebûtê Kobanî de hetkarîyê malî kerdê, hetkarîya madî dayê keyeyanê endamê PKKyî yê merdê û birîndar bîyê” ameyê destbendkerdiş.