KOBANÎ - Yewîyîya Cinîyê Ciwanî û Hereketê Ciwanê Şoreşgêrî yê Sûrîyeyî, bi sloganê  'Duştê îxanetî û îşxalkerdişî de venga azadîyî' çalakîya çadirronayene de aleqnayî. 

 

Yewîyîya Cinîyê Ciwanî û Hereketê Ciwanê Şoreşgêrî yê Sûrîyeyî, bi sloganê  'Duştê îxanetî û îşxalkerdişî de venga azadîyî' çalakîya çadirronayene de aleqnayî. Çadirê çalakîyî de fotografê Rayberê PKKyî Abdullah Ocalanî, alê Yewîyîya Cinîyê Ciwanî,  Hereketê Ciwanê Şoreşgêrî yê Sûrîyeyî, pankartê bi nuştişê  "Duştê îşxalkerdişî de xoverdayîş, Îxanetî rê nê, Biciwîyo Yewîyîya Şaran",  "Biciwîyo Xoverdayîşê Gerîlayî, Îxanet bimro"  û fotografê şehîdan ameybî aleqnayîşî. Pabeyê ke pêroyê sazgeyî û dezgeyê Îdarekarîya Xosere serdayîşê Çadirê Çalakîyan bikerê. 

 

Çadirê Çalakîyî ke ewro Meydanê Şehîd Egîdî de bi merasîmî ameyê akerdiş, do hîrê rojî akerde bimanê. Roja yewine de, do Meclîsî ya Keyeyê Şehîdan, Kongreya Stare, Partîyê Sîyasî, Merkezê Kultur û Hunerê Baqî Xidoyî, Hereketê Komeleya Demokratîke(TEV-DEM), Hêzê Pawitişê Xozayî, Hêzê Asayîşîya Zerrîyî serdayîşê Çadirê Çalakîyî  bikerê.  Dima ra serê nameyê Yewîyîya Cinîyê Ciwanî û Hereketê Ciwanê Şoreşgêrî yê Sûrîyeyî de do malûmat bêro dayîş.

 

Eşkerayîye wina ya:

 

“Ma sey Yewîya Cinîyan ê Ciwan û Tevgerê Ciwanan ê Şorişgêr, hemverê her rayîr û metodê qirkerdişî ma do tekoşînê xo dewam kenê. Tu wext nê kerdişê hemverê heqê merdiman qebûl nêkenê. Ma bi ciwan, tut, kal û pîranê xo her tim serê lingan de yê û tu wext rayîr nêdê îşxalkerdiş ke bireso amancê xo. Seba nê ma sey ciwanî vanê, ma her cayî de gerîla yê û her ca zî xo ver danê. Ne dewleta tirkî û ne zî kesê îqtîdar eşkenê serê rayîrê şorişê ma de vinderê. Ma do bi tekoşînê xo her ca de bibê çirûskê azadîye û ma vanê, bi projeyê Neteweya Demokratîke ma do bi ser bikewê û zorê îşxalkerdan berê.”

 

Dimayê eşkerayîye ciwanan sloganê, “Bimir o xîyanet” û “Biciwîyo xoverdayîşê Gerîla” berz kerdî.

 

Çalakiya Çadire bi gêrnayîşê govende û nobetgirewtişî dewam a.