Rozerîn Gultekîn

 

STENBOL - Avûkate Ezgî Gungordu dîyar kerde ke Aysele seba paştdayîş yenê kerdiş, kêfweş a û dîyar kerd ke îhlalkerdişê Aysele ATKyî ra ciwîyaya û berpirsayî de do gerre bikero. Ezgîye eynî wextî de dîyar kerd ke ganî paştdayîşê bi Aysele dir hîn zêde bibo.

 

Sîyasetmedara kurde Aysel Tugluk ke zîndanê Tîpê F yê Hûmara 1ê Kandira ya Kocaeliyî de manena teşîsê demansî ci rê ame dayîş û şert û mercê zîndanî de rewşa aye her ke şino giran beno. Seba raporê ATKyî yê ‘eşkena tepişte bimana' Aysele nîno tahlîyekerdiş. Endama Weqfê Cigêrayîşê Huqûqê û Komelî (TOHAV) û eynî wextî de avûkata Aysele, Ezgî Gungordu derheqê  rewşa Aysele de ajansê ma rê qisey kerd.

 

ATK averşîyayîşê nêweşîye de parçeyêk girîng o

 

Ezgîye vat, seba raporê ATKyî demê peyîn de zîndanan de xeberê mergî yenê û vat: "No problemê heqê merdiman o. Serra vîyarte de 59 tepişteyî dinyaya xo bedilnayî. ATK bi israr tepişteyê nêweşî yê giranî tahlîye nêkeno. ATK çira nê kena? Ganî ma sazbîyayîşê înan ra biewnê? Ganî ma sazbîyayîşê înan ra biewnê. Êdî tayînkerdiş raste rast serê serekeyî yenê kerdiş û sazgehêke bîya sîyasî ya. Bi caardişê karantînayî dir nêweşî hîn aver şinê. ATK yew parçeyê tewr  girîng yê averşîyayîşê nêweşîyan o.

 

Heyetê Corî ra cewab çin o

 

Ezgîye dewam de wina qal kerd: “Raporê nêweşxaneyî şawitê  Sazgehê Tipê Edlî yê Anqara. La tîya de eksê raporî ame dayîş û vatî, eşkena tepişte bimana. Ma muracatê Weqfê Heqê Merdiman ê Tirkîya kerd. TÎHVî vat, mabêne her di raporan de naqokî esto. Seba nê naqokî bêrê çareserkerdiş û seba ke raporê ATKyî rastî nîşan nêdayîne ma muracatê Heyetê Corî yê ATKyî kerd. La hema zî cewabêk çin o."

 

Tevgerê goreyê rumetê merdimayî nîyo

 

Ezgîye wina vat: “Birêz Aysele seba muşhadeyê hîrê hewteyan sewqê ATKyî ame kerdiş. La qerarê hîrê hewteyan tena hîrê rojan ame kerdiş. Dima ra şawitî zîndan. Aysele helwest û nêzdîbîyayîşê doktor û hemşîreyê uca ra xeylêk nêrehet bîya û vat, hemverê rûmetê merdimayî bi. Netîceyê muşahadeyî de raporêk ame amadekerdiş. Raporê ATKyî de heme serebût û sucdarî ameyê nuştiş, sey kakilê îdianameyî bi. Erjnayîşê tibî wetayêr yê sîyasî bî. Ma îtîrazê xo kerd. Ma vat, ganî bêra tahliyekerdiş. La dadgehe verdê tahlîyekerdiş, vatî do Aysele seba pawitişî bîyarê."

 

Embazanê xo nêana vîr

 

Ezgîye dewamê qiseykerdişê xo de wina vat: "Qiseykerdişê verê yenê vîrê ci. La o zî parçe parçe. La çîyê demê nêzdî de ameyê qiseykerdiş, nînê vîrê ci. Ma hewteyê vîyarte de dadgehe ra vat. Hewce bi raporê ATKyî çin o. Nêweşîya aye kewta sewîyeyêka cidî. Na rewşe hemverê rumetê merdimayî û etîkê tipî yo. Ma tim muracat kenê. La raporê ATKyî ra omidê ma nêmendo. Ma do derheqê doktorê ATKyî nê raporî dayê de gerre bikerê. Ganî ATK xoser têbigeyro."

 

‘Paştdayîş Aysele kêfweş keno'

 

Ezgîye tewr peyîn wina vat: "Gultan Kişanak û Edîbe Şahîn lazimîyê Aysele bi ca anê. Roj bi roje rewşa aye giran bena. Ganî her kes vengê xo vejo. . Divê her kes dengê xwe derxe. Bi hezaran îmza ameyî komkerdiş û ma nê îmzeyan danê wezaret. Gama ke nê eşnawena kêfweş bena û bermana. Vana, ‘baş o ke şima estê, baş o ke embazê mi estê.' Xeylêk kêfweş bena û motîve bena. Seba ma wayîrê hişê Aysele vejîyê, ganî ma metodê bi tesîr bivînê. Ma heme hişê Aysele yê. Ganî ma avûkat, embazê ci vengê xo tewr zêde berz bikerê."