STENBOL - Pêwa ke demê qerarê, “qedexeyê pêvînayîşê bi avûkatan dir" yê seba 6 mengan ê Rayberê PKKyî Abdullah Ocalanî xelas bîyo zî, Serdozgerîya Komare ya Bursayî de muracatê avûkatan ê seba pêvînayîşî red kerdî.

 

Bi serrêke yo Rayberê PKKyî Abdullah Ocalan ke Zîndanê Tîpê Fyê bi Asayîşê Berzî yê Îmrali de yeno tepiştiş, xebere ci ra nîna girewtiş.m Abdullah Ocalan, tewr peyîn 25ê adara 2021 de bi birayê xo Mehmet Ocalan dir serê telefonî de qisey kerdibi la no qiseykerdiş zî nîme de amebi birnayîş. Abdullah Ocalan, tewr peyîn 7ê tebaxa 2019 de bi avûkatanê xo dir pêvînayîş kerdibi.

 

Heme pêvînayîşî dimayê nê tarîxan hetê serdozgerîya bênetîce ameyî evrdayîş. Hema hema seba heme qeraran redkerdişê waştişê pêvînayîşî, sebebê cezayê disiplînî ameyî ramojnayîş. Avûkatê Buroyê Huqûqê yê Seserrî 22yê teşrîna peyêne 2021 de bi waştişê “pêvînayîşê lezgîn” ê bi Ocalan, Omer Hayrî Konak, Hamîlî Yildirim û Veysî Aktaş muracatê Dadgerîya Înfazî ya Bursayî kerdî. Muracatê xo de avûkatan waştî ke na rewşe ke xebere ci ra nêgirewtê peynî bibo û bi miwekîlê xo dir rî bi rî pêvînayîş bikerê.

 

Labelê dadgerî nê muracatê avûkatan red kerd û qerarê qedexeyê pêvînayîşî yê seba 6 mengan ke 12ê teşrîna verêne de amebi dayîş, sey bahane nîşan dayî. Qedexeyê pêvînayîşê bi avûkatan dir ke 12ê teşrîna amebi dayîş, 22yê nîsane de peynî bi. La pêwa ke no qerarê “qedexeyî” ke sey bahaneyê “qedexeyê pêvînayîşî" ameyîne ramojnayîş peynî bîyo zî, nêverdayî ke avûkatî  bi Ocalanî dir pêvînayîş bikerê. Avûkatan 26ê nîsane de seba pêvînayîşî reyna muracat kerdî la ne pozîtîf ne zî negatîf tu cewabêk nêame dayîş." 

 

Avûkatê Ocalanî seba pêvînayîşê bi miwekîlê xo dir ewro do reyna muracatê Serdozgarîya Komare ya Bursayî û Mudûrîyê Zîndanê Îmraliyî bikerê."