AMED - Amed de bi seyan kesî hemverê şer û asîmîlasyonî protesto kerdî. Protesto bi sloganê, "Biciwîyo Xoverdayîşê Zapî", "Biciwîyo Xoverdayîşê Zîndanan" dewam kerd.

 

Platformê Ked û Demokrasî bi wesîleyê 1ê Gulane Roja Kedkaran, verê berê bînaya şubeyê 1in ê Egîtîm Senî ke taxa Ofîsî ke girêdayê qezaya Yenîşehîrî de eşkerayî da. Rêxistina Partîya Mintiqaya Demokratîke (DBP), Rêxistina Partîya Demokratîke ya Şaran (HDP) pêwa parlementerê HDPyî Remziye Tosun û Dersim Dag, Pêameyê Rêxistinê sivîl (STK) tewrê eşkerayîye bî. Dimayê eşkerayîye, wilavikî ameyî vilakerdiş û  bi seyan siyasetmendar û xebatkarî kom bî, pîya hêrişê dewleta tirkî yê Başûr de yenê kerdiş protesto kerdî.

 

Seba mîtîngî vengdayîş!

 

Destpêkê protestoyî de vengdayîş şarî rê ame kerdiş ke 1ê Gulane de, saete 10ine de wareyê Îstasyonî de beşdarê mîtîngê bêro kerdiş bibê. Dimayê eşkerayîye girse bi hawayê di kortejan vila bi. Her het ra slogan û vengê tilîliyan ser o bala heme welatijan ant serê xo. Welatijî derûdorê bi çepikan rayrayîş pêşwazî kerdî û kesê ke wesayîtan de yê zî korneyan paştdayîş dayî.

 

'Biciwîyo Kurdistan'

 

Girse hetêk ra broşurê xo vila kerdî, heto bîn ra zî bi erbane sloganan berz kerdî. Girse bi taybetî nê sloganî berz kerdî; "Biciwîyo Kurdistan", "Bimiro Xîyanet", "Biciwîyo Xoverdayîşê Zapî", "Biciwîyo Xoverdayîşê Gerîla", "Biciwîyo Xoverdayîşê Zîndanan", " Ma do Tecrîd Bişikinê", "Ciwanî tîya yê serê lingan de yê" "Biciwîyo Yewê Gulane."

 

Rexmê îqazkerdişê polîsan de kes vila nêbi û het apeynî protestoyê xo bi ca ardî.