DÎLOK - Zîndanê Îslahîye de 25 rojî yo grevê vêşanîye yê bêdem û bêdor dewam keno.

 

Zîndanê Tîpê Tyê Îslahîye yê Dîlokî çalakîya grevê vêşanîye yê bêdem û bêdor ke hemverê îhlalkerdişê heqan, tepişteyê bi nameyê Îlhamî Îşçî, Ûgûr Urun, Zennar Demîr û Hîccet Ûmûî yê rojhelatê Kurdistanî ra yo dest pêkerdo, roja 21ine de dewam keno. Reşît Dayan û Ûgûr Uyar zî dima ra tewr bibî û çalakîya înan roja 20ine de, Umît Ozen zî dima ra tewrê grevî bibi û ê ey zî roja 17ine de dewam keno. 

 

Îhlalkerdişê heqan ke tepişteyan hemverê îhlalkerdişê heqan ê zîndanan de qewimyenê, bi rayîrê avûkatanê xo muracatê Şubeyê Komeleya Heqê Merdiman (ÎHD) ê Dîlokî kerdê û çîyê ke neql kerdê winî yê: “Dekewtişê zîndanî de bi zor bi hawayêk viran cigêrayîş kerdî. Hûmartişê rojane de hûmara serê lingan û bi sîstemê leşkerî ma rê yeno ferzkerzkerdiş. Ameyîş û şîyayîşê cayê qiseykerdişê bi telefonî dir rayîr şîyayîşê leşkerî bi ma danê kerdiş. Demo ke ma hûmara rojane sey sîstemê leşkerî bi ca nêarê, rastê  şîdetê fîzîkî yenê. Îhlalkerdişê heqan ê zîndanan ke ma ci de yê, zîndanê bînan rê tewr zêde yo.”

 

Serekê Şubeyê ÎHDyê Dîlokî Sînan Taştekîn ke serdayîşê tepişteyan kerdibi zî dîyar kerd ke xidayê lazim yê sey şekir, sole û lîmon nêdanê tepişteyan û seba nê çalakî sey “rojeyê mergî” dewam kena. Avûkatan ke endamê Şubeyê Komeleya Huqûqnasê Seba Azadîye (OHD) yê Şubeyê Mêrsînî zî vizêr serdayîşê tepişteyê ke çalakîya xo dewam kenê kerdî. Avûkatan vat, tepişteyan dîyar kerdo ke heta waştişê înan bêrê qebûlkerdiş do çalakîya xo dewam bikerê.