RIHA - Çalakîya 'Nobeta Edaletî' ya Keyeyê Şenyaşarî 419 rojî yo domnena. Keyeyî dîyayîşkîyê têkildarî yê  Sifreyê xo yê Edaletî ke vernîyê Edlîyeyê Rihayî de nawo ro pare kerd û wina vat: "Heta ke edalet nêro ca, do nobeta ma ya edaletî bidomo."

 

Çalakîya 'Nobeta Edaletî' ya Keyeyê Şenyaşarî yê vernîyê Edlîyeyê Rihayî de dayo destpêkerdiş, di roja 419ine de dewam kena. Vera ke peynîyê hewteyî yo û edlîye padaye yo: Keyeyî nobeta xo, keyeyê xo yê qezaya Pirsûsî de  dewam kerd. 

 

Keyeyî serê hesabê xo yê Medyaya Dîjîtale de têkildarî yê Sifreyê Edaletî ke di aşma Remezanî de xeylêk partîyê sîyasî, organizeyê sivîlî yê komele û welatijî bîbî mêmanê ci, dîyayîşkîyêk pare kerd. Vîdeo yê ke hesabê Walîtîyê Rihayî û Wexaretê Edlî ameyê etîketkerdiş,  bi nê mesajan ameyî parekerdiş:  "Riha verî yê nika bi xoverdayîşê Hz. Îbrahîmî ke duştê Nemrûdî de ameyo bi vîrfînayîş. Riha do êdî bi têkoşîne ya dadîya ke  duştê bêedaletîyî de ya bêro vîrameyîş."  Dimayê dîyayîşkî de nê masajî ca girewtî: "Di aşma Remezanî de ma fitara xo vernîyê Edlîyeyê Rihayî de kerd. Heta ke edalet bêro ma do nobeta xo yê edaletî yê vernîyê Edlîyeyê Rihayî de dewam de ya,  ma do dewam bikerê. Seba Keyeyê Şenyaşarî edalet, seba her kesî edalet!"