Sema Çaglak

 

SEMSÛR - Ayşe Arslan ke Semsûr de bi serran o seba resnayîşê vilan kede dana û înan resnena xeyalê aye oyo ke seba vilanê serayêke abikero.

 

Cinî her tim bi keda ke danê û berardiş kenê girêdayîşê xo yê bi xoza dir nîşan danê. Yew nê cinîyan ra zî Ayşe Arslana Semsûrî ya ke bi resnayîşê vilan dir girêdayîşê xo yê bi xoza dir nîşan dano û boya xoza ana hewşeyê xo. Ayşe bi rayîrê zewacî Nizîp ra ameya Semsûr de bi ca bîya û 41 serrî yo wextê xo bi resnayîşê vilan demê xo derbaz kena. Ayşe bi nê helwestê xo wazena xoza ra feyde bigîro.

 

'Bala min ê serê vilan de dayîka mi ra yeno'

 

Ayşe destpêkê qiseykerdişê xo de qalê heskerdişê xo yê hemverê vilan kena û vana: "Seba mi tu ferqê vilan û tutanê mi çin o. Senîn ke tutanê xo ra hes kena, vilanê xo ra wina hes kena. Bi serran o hewş û baxçeyê min reng û boya vilan esto. Tu wext ez bê vilan nêmenda. Hewil dana ke heme tewirê vilan wey bikerî. Her mewsîmî de vilanê tewir bi tewir çînena. Heskerdişê min ê vilan mi rê dayîka mi ra mîras mendo. No seba mi sey adetêk o."

 

‘Rewşa hewayî tesîr serê vilanê mi de kerd'

 

Ayşe, dîyar kerd ke seba ziwatî vilê aye zî tesîr bîyê û vat: "Emsar seba ziwatî , vilê mi sey mi waştêne nêbî. Emsar vewre xeylêk zêde vara, seba nê vilê mi zî wextê xo de anêbî û xeylêk înan ra seba serdî zêde wuşk bî. Seba nê ez nika newe ra ramena ke zergûn bê. Bi vilanê xo dir qisey kena. Dimayê ke karê xo yê keyeyî qedênena, yena verê vilanê xo patîkan viraznena yan zî qehwe û çay şimena û înan dir qisey kena."

 

'Wazena heme kesî keyeyê xo bi vilan bixemlinê'

 

Ayşe, dîyar kerd ke weykerdişê vilan kedêke pîl wazeno û vat,: "Kam mi ra vilan wazeno, ez înan dir pare kena. Wazena heme kesî keyeyê xo bi vilan bixemilnê. Ez wexto ke roje taqîb kena, gama ke tîje yena serê înan ez nêzdîyê roje kena. Ma tîya verê vilan de ronişnenê, boya merdimî vejêna. Keda seba vilan xozaya cinîyan de esta. Sebra cinîyan bi vilan yena."

 

‘Xeyala mi akerdişê serayêke yo'

 

Ayşe, dîyar kerd ke xeyalê ci serayêke yo û vat: "Xeylêk vilê min ê weşikî estê ke ez heme xususîyê înan zana. Eke serayêke mi yan zî wareyêke ez ê vilan bi ca bikerî, bibayîne xeyalê mi bi ca ameyîne. Keye û hewşeyê mi de çi heyf şert û mercên min ê seba serayêk çin o û wazena seba vilanê xo serayêke abikerî."