STENBOL - Avûkata keyeyê Pinar Gultekîn, Kubra Denîz Çelîk, dîyar kerd ke dewaya ke gumanbarê ci dîyar ê di serrî yo qerarê ci nêameya dayîş û dewaya ke dayîka Pinare, Şefîka Gultekîn rê ameya akerdiş zî erjna û vat, wijdanê selahîyetdarî birîn keno.

 

Mugla de 21ê temmuza 2020 de wendekara unîversîta Pinar Gultekîn hetê Cemal Metîn Avci û merdimanê ci ra amebî qetilkerdiş û 11 roniştişê dewa de hema zî qerar nêvejîyayo. Heto bîn ra dayîka Pinare, Şefîka Gultekîn bi bahaneyê salona dadgehî de reaksîyon ramojnaya dewaya îstîmlakî ameye akerdiş û 12ê teşrîna verêne de do roniştiş Edliyeyê Muglayî de bêro vînayîş. Avûkata keyeyî ra Kubra Denîz Çelîk vat ke pêwa gumanbarê dewa dîyar ê di serrî yo qerar nêameyo dayîş û dewaya ke Şefîka rê ameya kerdiş zî wijdanê îstîmlakî birîndar kena û vat, ganî dewa gumanbarî rê biameyîne akerdiş.

 

‘Ganî dewa gumanbarî rê biameyîne akerdiş’ 

 

Kubra vat, Şefîka Gultekîn roniştişê 4in ê 26ê nîsana 2021 de ke gumanbar Cemal Metîn Avci îfade dayîne de, seba rewşa psîkolojîk reaksîyon ramojnaya û vat: “Eynî roniştişî de gumanbar Cemal Metîn Avci seba Pinar Gultekîn ke bi çimsûrî qetil kerdibi, vat ‘eskort’. Dimayê nê Şefîka Gultekîn vatişê sey, ‘Ez o to bikişî kutik’ ard ziwan û nê ser der derheqê Şefîka de gerre kerdî û cipersayîş ame akerdiş. Pêameyîş nêbi û derheqê ci de îdianame ame akerdiş û ame qebûlkerdiş.” 

 

4 serrî ra heta 4 mengan waştişê cezaya zîndanî

 

Kubra dîyar kerd ke bi sûcdarîyê tehdîd û heqaretî dewaya îstîmlakî ameya akerdiş û wina vat: “Madeyê 125ine ê TCKyî de 3 mengan heta 2 serran cezaya zîndanî yena ferzkerdiş, seba heqaret eşkera bi, eşekno se ra 1/6 bêro zêdekerdiş. Sererastkerdişê qanûnî wina yo. Sûcê tehdîdî madeyê 106ine TCKyî de yeno sererastkerdiş. 6 mengan ra heta di serran ceza lazim kena. Bi sucdarî babeta vatişîyo ke do muhakeme bêro kerdiş.”

 

Di serrî yo derheqê gumanbarî de qerar nêvejîya 

 

Kubra bale ant serê dewaya Pinar Gultekîn ke di serrî yo dewam kena wina vat: “Pêwa fi serrî yo dewa dewam kena cezayêke nêvejîyaya. La vatişê dayîka zerrîveşnaye bi leza û bez kenê rojeve û dewa akenê. Na nuqta de vatiş êdî çin o. Bi reaksîyon vatişê ke ameyê vatiş estê. Na rewşe bi rastî zî xidar a. Dewaya gumanbarî ke yeno muhakemekerdiş zî roniştişê ci yê 12ine do 16ê gulane de Hîrên Dadgeha Cezaya Giran ya Muglayî de bêro vînayîş.”

 

‘Wijdanê şarî nêrehet keno’ 

 

Kubra dîyar kerd dewaya ke Metîn Cemal Avci û keyeyê ci yenê muhakemekerdiş de, înan ra zafêr keyeyê Pinare û cuya aye ya taybet yena muhakemekerdiş û wina vat: “Ma bi desan rey waştişê redê hukmî kerd. La no waştişê ma nêame ca. Gumanbarî Pinare ra vat, eskort û heyetê dadgehe tu reaksîyon nêmojna ra. La dayîka zerrîveşaye rê bi leza û bez dewa akerdî. No zî  wijdanê selahîyetî birîn keno.”

 

‘Ma nê roniştişî de zî qerar nêpawenê’

 

Kubra tewr peyîn dîyar kerd ke do her tim kîşte keyeyî de ca bigîrê û taqîbkerdoxê dewa bê û wina qedêna: “Ma do roniştişê 12ine bivînê. Ma nê roniştişî ra zî qerar nêpawenê. Ma wazenê gumanbar cezaya gerek keno bigîro.”