AMED - TUAY-DER verîyê ke do konferansêk organîze bikero malûmatêk da û seba wayîrvejîyayîşê tepişteyan venga tewirbîyayîşê konferansî, şarî rê kerd. 

 

Komeleya Keyeyê Tepişteyan (TUAY-DER)î verîyê konferanso ke do 16ê Gulane de Eywana Partîya Mintiqayê Demokratîke (BDP) de organîze bikero malûmatêk da. Malûmat hetê Vervatoxanê Komîsyonê TUAY-DERî  Safîye Akda û Mehmet Bekîrî ra ame dayîş. 

 

Malûmat de Safîye bale ante serê hêrişê îqtîdarî yê ke hemverê Şarê Kurdî de û wina dewam kerd: "Seke yeno zanayene ke hêrişê îqtîdarî yê serê Kurdan de dewam kenê û cayo ke tepişteyî ci de yê; zîndan zî para xo nê zilmî ra gêno. Her ke şino tecrîdo ke Îmralî de zafêr beno û vila beno. No prosesêke bê huqûq û bê edalet o. 

 

Safîyeye peynîyê qiseyanê xo de seba tewirbîyayîşê kongreyî ke do organîze bikerê zî veng da û wina dewam kerd: "Rewşa zîndanan verê çiman de ya. Zîndanan de kiştişê bişikî zafêr benê. Hendêke keyeyî seba nê yewî vengê xo berz bikerê zî tu verpersêk nîno dayîş. No proseso winayîn de ma do zî sey TUAY-DERî konferansêkê 16ê Gulane de Eywana DBPyî de, seete 11:00î de organîze bikerê. Ma heme şarê xo dawet kenê ke wayîr ro tepişteyan vejîyê."