Oznûr Deger 

 

ANQARA -  Rojnamegêre Dîlan Oynaşe ke di Zîndanê Cinîyan ê Sîncanî de tepişteya û bi rojano tehlîyekerdişê aye yeno manîkerdiş veng a hêsgirîyê rayaumûmî kerd û wina vat: "Wazenê ma tîya de bikişê. Îşkenceyê psîkolojîkî kenê. Her hetî ra ma binê hêrişî de yê."

 

Îtîfaqê AKP û MHPyî û polîtîkayê xo yê mîyanê welatî û teverê  sînorî de yê zîndanan de zî bi binpaykerdişê heqan û îşkenceyî dewam kenê. 'Nîzamîyê Derheqê Erjnayîşê Nîzamnameyî bi Merkezê Teqîbkerdişê  Sinifkerdişî dir' yê Nîzamnameyê derheqê 'Caardişê Sinifkerdişî û Teqîbkerdişî' goreyê rewşa ê sazgehan de vilakerdiş û bi fealîyetê başkerdişî yenê ca dir di netîceyê qeneatî û hereketan de derheqê înan de erjnayîşê rewşa başkerdişî yê hetê Wezaretê Edlî ra amebi hadrekerdiş û seba tepişteyan amebi kerdiş di 29ê Çileyî yê 2020î de di rojnameyê fermî de amebi weşênayîş û dima ra zî 1ê Çileyî de kewtbi vîyartbarîyî." 

 

Di çerçewayê nîzamîyî de zîndanan de 'komîteyê îdarîyî û muşahîdî' ameyî awankerdiş û seba tepişteyan 'Rewşê başî'  estê yan ney raporî yenê hadrekerdiş tu hetê ê yê huqûqî çinî yê û tehlîyekerdişê tepişteyê sîyasî yenê manîkerdiş. 

 

Komîteyê Teqîbkerdişî û Îdareyî çîyê? 

 

Komîteyê Teqîbkerdişî û Îdareyî binê serekîya mudurê zîndanî de mudurî diyînî ra verpersîyar o, mudurê îdareyî, hekîmê zîndanî; psîkyatrî û psîkolok, xebatkarê komelkî, mamoste, memûrê pawitişî û ê înfazî(gardîyanî) û mudurê sazgeyî ra yenê weçînayîş. Tepişteyan ewilî vejenê Komîteyê Teqîbkerdişî û Îdareyî û persê cîyayî înan ra persenê. Bi persê absurtî tehlîyekerdişê tepişteyan manî kenê. Seba tepişteyê sîyasî persê seke 'Abdullah Ocalan seba şima çi îfade keno? Şima derheqê ey de çi fikirênê?' yenê persayîş. Sewbîna hukmê poşmanîyî yenê ferzkerdiş. Tepişteyê ke nê hukman qebûl nêkenê zî bi 'tehlîyenêkerdişî' yenê tehdîdkerdiş." 

 

Netîceyî de tepişteyî 'veng  tam' nêgînê înfazê înan 6 mengî yenê taloqkerdiş. 6 mengî pey ra reyna tepişteyan vejevê vernîyê komîteyî û rewşa komîteyî de  qebûlkerdiş nêgînê reyna tehlîyekerdişê înan yenê manîkerdiş.  Na rewşe de heta tarîxê tevervejîyayîşî ke heqê înan o ke înan ra yeno girewtişî yeno dewamkerdiş. Tepişteyê sîyasî nê caardişan red kenê. Na rewşe de zî tepişteyê nêweşî bi behaneyê nêvejîyenê komîteyî nînê tehlîyekerdiş. 

 

Hîrê mengan ra tewr kemî tehlîyekerdişê 116 tepişteyan ame manîkerdiş 

 

Goreyê muracatî seba Komeleyê Huqûqnasî seba Azadîyî(ÎHD) ameyê kerdiş Sibate ya 2022yî ra heta nika humara  tepişteyê ke wextê înfazê înan temam bîyê û nêameyê tehlîyekerdiş tewr kemî 116 ê. 

 

Tehlîyekerdişê 5 tepişteyê cînî yenê manîkerdiş 

 

Zîndanê Sîncanî de tepişteyê bi nameyê Rojda Erez û Hanim Yildirim 25ê Teşrîna Verîne ya 2021î de înfazê înan qedîyayo, ê Jîyan  Ateşe 28ê Teşrîna Verîne ya 2021î de, ê Berfîn Sari 20ê Çileyî yê 2021î de û ê Rojnamegêre Dîlan Oynaşe zî 26ê Nîsane de qedîyayo û pêwa nê  bi qerarê kêfî yê Komîteyî yenê girewtiş. 

 

Dîlane ra veng a hêsgirîyî 

 

Rojnamegêre Dîlan Oynaşe 2016î de bi îdîayê 'Endamîya Rêxistinî' tepişteya û pêwa cezayê aye qedîyayo zî nîna tehlîyekerdiş. Bi îdîayo 'Rewşe ya başe çinî ya' nîna veradayîş û Dîlane na babete de veng a hêsgirî ro rayaumûmî kerd. 

 

'Wazenê ma tîya de bikişê' 

 

Dîlane ke keyeyê xo dir bi rayîrê telefonî pêvînayîş ard ca,  veng a hêsgirîyî ro rayaumûmîyî kerd û wina vat: "Wazenê ma tîya bikişê. Îşkenceyê psîkolojîkî kenê. Her roje ma binê hêrişî de yê. Fînak; ma wazenê ma heqê xo yê xoşeberî embazanê xo dir bikerê, la tena 2 embazan vejenê û binê kamerayan de pêvînayîş danê kerdiş. Ma nînan nêwazenê. Ma qebûl nêkenê. Waştişê înan no yo ke ma goreyê înan hereket bikerê. Caardişê kêfî di sewîyeyê corî de yê. Hêrişî roj bi roje zêdeyêr benê. Pêvînayîşê akerdeyî de nêverdenê ma awe bidê tutan. Nika înfazê ma 5 embazan yeno taloqkerdiş. Dore de embazê bêrê tehlîyekerdiş estê. Înfazê 4 embazanê ma zî 6 mengî ame taloqkerdiş."