ANQARA - Femînîstanê Xoserî ra Ozgul Sakî dimayê mabêndayîşê Dewaya Kobanî de malûmat da  û vat: "Wexto peyîn de hetê AKP û MHPyî ra duştê Hereketê Azadîya Kurdî, HDP û hereketê cinîyan de sûcê yenê kerdiş tîya de yê." 

 

Duştê hêrişê DAÎŞî yê serê Kobanî de 6-8ê Teşrîna Verîne ya 2014î de bi behaneyê çalakîyê ke ameyê kerdiş, mîyanê înan de Hemserekê Pêroyî yê Partîya Demokratîke ya Şaran (HDP)ê verî û Endamê Komîteya Merkezî yê Îdarekarîyî (MYK) zî bîyayeyî 21 ci ra tepişte derheqê 108 merdiman de bi nameyê Dewaya Kobanî dewa amîbî akerdiş. Di roniştena dewaya ewro ke ame vînayîş de dimayê mabênî de ame dayîş. Femînîstê Xoserî ke tewirê roniştene bîbî, verê Zîndanê Sîncanî de malûmat dayî. 

 

'Ma bi quwetê embazê xo yê serewedayêran tîya de yê' 

 

Ozgul Sakî ya ke bi serê nameyê Femînîstê Xoserî de qisey kerd û dîyar kerd ke ê bi amancê paştdayîşê cinîyan tîya de yê û vat: "Ma seke komêke femînîstî tîya de, têreyde duştê îşxalkerdişî de xo ver danê, ro rayrayîşê xo yê şewe wayîr vejênê, bi embazê xo yê cinîyî 8ê Adare de verê yewbînan de bî. No wexto peyîn de îqtîdarîya AKP-MHPyî bi rengêke zaf zelal hêrişê HDPyî, Hereketê Azadîya Kurdî û hereketê cinîyan kenê. Ma vînenê ke tewr zêdeyêr nê hêrişî bi tesîrî serê cinîyan de kenê. Ma femînîst ê, di ferqê muhîmîya hetkarîye de yê. Reyna ma bêveng nîyê,  nê tersenê, nê îtaatkar ê. Seke heteketêke femînîstî, seke hereketêke cinîyî ma tîya muhîmîya têkoşînî têreyde yê duştê AKPyî de malûmat danê. Ma bi coşê serewedaritişî yê embazanê xo tîya de yê. Ma zanenê ke cayê ê qeraran huqûqî de çinî yê. Ma do seke caardişêk sîyasî têkoşîna xo dewam bikerê. Ma tîya de hewêna eşkera kenê." 

 

Malûmat bi sloganê 'Cinî, Ciwîye, Azadî' peynî bî.