Yara Kendeş 

 

KOBANÎ - Tevne ke eserêke destan a xeylêkê kan a, bi keda cinîyan ameya pawitiş.  Cîhan Yosefe ya ke heta wextê ewro zî kulturê tevne domnayo wina vat: "No nizdîyîyê 40 serrî esto ez tevne virazena. Ma bi viraştişê tevne debara xo kerdêne. Ez zaf bandêrê nê karî bîya û ez xeylêke ci ra hes kena. Nêeşkena ci ra bibî." 

 

Pêwa hêrişê eciqnayîşî yê duştê kulturê şaran de zî hunerê destan, tevne  heta roja ma ya ewro dewam kerda. Tevne sembolêke tarîxî ya  û kulturê kanî ra menda. Tevn a ke bi keda cinîyan heta ewro nika ameya sewîyeyê  henerêke pîl zî vejîyaya aver. Cinîyan bi sayîya nexşê serê tevnan de fehmê xo ardê ziwan. Her nexşêke name û hîkayeyêk ci esto. Nexşê lûleperrî timî seke karê merdimê zanayan ameyê vînayîş. 

 

Girêdayeya na babete Kantona Kobanî de bi pawitişê serê kulturê toreyîyê Kobanîyî, Cîhan Yosef ke dewa Bûbanî ra ya Kantonê Kobanî de ya ajansê ma rê erjnayîş kerd. 

 

'Ma bi viraştişê tevne debara xo kerdêne' 

 

Cîhane di destpêke ya qiseyanê xo de ard ziwan ke, a tutîyîya xo ra keyeyê dadî û babê xo de bandêrê nê karî bîya û wina vat: "Ez qije bîya çîyêke tewr zêde bala mi antêne viraştişê tevne bî. Keyeyê mi de bi rastî kesêke sey mi nê karî ra hes nêkerdêne. No nizdîyê 40 serrî yo esto ez tevne virazena. Verî çîyo merdim herd de rafîno zêde çinêbî,  vera nê ma bi viraştişê tevne debara xo kerdêne.  Ma sejde viraştêne seba ke ma sero nimaj bikerê. Ez zaf bandêrê nê karî bîya û ez xeylêke ci ra hes kena. Nêeşkena ci ra bibî." 

 

'Ma pawitişê kulturê xo kenê' 

 

Cîhane di mîyanê qiseyanê xo de bale ante serê cinîyan ê nikayî ke di nê demî de  zaf kemî nê karî kenê û wina ro ci zêde kerd:  "Ma seke cînîyê Kobanî verî ra her rengî pawitişê kulturî, ziwanî û toreyê Kobanî kenê. Vera ke ma cinîyê qedîm ê. Cinîyê nikayî zafêrî fek nê karê  winayînî ra vera dayê, vanê êdî rol û modayê ci nêmendo. Ez roje de 6 ra heta 7 seetan kar kena û ez hîç ci de nêbetelêna. Ez nika  kay bi  tevne virazena. Kay zî dare ra kena û hacetê deştişî û viraştişê rêsî cikena. Ez nika alêke virazena û rengê layê mi zî zergûn, sûr û zerd o. Her tewirê rengî yeno vîrameyîş, la ez seba ale rengê zergûn, sûr û zerd xebetnena." 

 

'O muhîm no yo ke heta nika mi fek ci ra vera nêda' 

 

Cîhane di dewamîya qiseyanê xo de qal kerd ke no kulturê Kobanî yo antîka yo û tewr muhîm o yo ke aye heta nika fek ci ra vera nêdayo û wina dewam kerd: "Keyeyê mi de ez tena nê karî kena û ci de kede dana. Ez verî ra ci ra hes kena, karê mi no yo, verî şarî pêro no kar kerdê la nika wina nîyo, ti zaf kemî vînena cinî nê karî kenê. Ez nêtereknena, sewbîna cîyê ke ez nika virazena nêdana rotişî, tena dana embazanm ro şarî vila kena.  Ez nika na ala ke destê mi de embazan rê virazena. La la vayo. Verî bi 15 hezarî bî, nika vay bîyo, bîyo 25 hezarî. Mi zaf çîyî viraştêne. Wexto ma Reqayî ra koç bî, mi zaf çîyî vila kerdî û dayî şarî." 

 

'Ez heta peynîyî, dimayê kultur û nasnameyê xo wa' 

 

Cîhane di peynîyê qiseyanê xo de qetî kerd ke heskerdişê aye nê karî ra pîl o û her çiqasî bieşko do nê karê xo de dewam bikero û wina peynî ro ci ard: "Ez heta peynîyî, dimayê kultur û nasnameyê xo wa. Ez veng a pêroyê cinîyanê dinya û bi xusûsî zî cinîya Kurde kena ke wa agêrê kultur û hunerê xo."