STENBOL - Hunermenda kurde Zelal Gokçe ke rasteyê teyaraya Stenbolî de ameye destbendkerdene, ameye veradayene.

 

Vizêr saetê şewe de hunermenda kurde Zelal Gokçe rasteyê teyaraya Stenbolî de ameye destbendkerdene. Bi kam ci sebebî Zelale amebî destbendkerdiş, nêamebi vatiş û dîyar nêbi ke polîsan Zelale berdebî ça. Embazê Zelale serê hesabê xo yê  medyaya dîjîtale de neql kerdî ke Zelale ameya destbendkerdiş û xebere ci ra nêgînê. 

 

Îfade da

 

Reyna zî nêame zanayîş ke Zelale seba çi ameya destbendkerdiş û embazê ci serê hesabê xo yê medyaya dîjîtale de neql kerdibî ke Zelale ameya veradayîş. Sewbîna neql kerdî ke Zelale berdê Edliyeyê Stenbolî yê Çaglayanî.