STENBOL - Nuştoxe Mukaddes Erdogdu Çelîke da zanayene ke şerê duştê Kurdan de tu faydeyê ci seba şarê Tirkîyayî çinî yo û nê hêrişî girêdayeyê tecrîdê serê Rayberê PKKyî Abdullah Ocalanî yê. Mukaddese sewbîna da zanayene ke têkoşînê azadî û demokrasîyî bi sîyasetê Rayîrê 3yîn beno, bêro mûnayîş. 

 

Hêrişê AKP-MHPyî yê bi paştgirewtişê PDKyî 17ê Nîsane de hemverê Mintiqaya Federe ya Kurdistanî de ameyê destpêkerdiş, domnenê. Hemverê Zap, Metîna û Avaşînî de bombevaranî dewam kenê. Hetê xeylêke hetan ra yeno eşkerakerdiş ke hêrişê yenê kerdiş girêdayeyê tecrîdê serê Rayberê PKKyî Abdullah Ocalanî yê. 

 

Nuştoxe Mukaddes Erdogdu Çelîke hêrişan û tecrîdo ke Îmralî de yo ajansê ma rê erjnayîş kerd. 

 

'Problem bi çareserî yeno ca' 

 

Mukaddese qal kerd ke dewlete bi serran o duştê Kurdan de şer kena û xeylêk problem giran bîyo, sebebê nê zî şero ke dewlete hemverê Kurdan de kena. Mukaddese wina vat: "Dewleta Tirkî bi destê îqtîdarî bî hetkarê çeteyê çimsûrê DAÎŞî, hewl dayî herdê Kurdî, Rojawanî; Kobanî, Efrîn bêro çinîkerdiş. Hêzê Tirkîyayî a mintiqa îşxal kerdî. Seba şer nêro famkerdiş zî Tirkîya di şerê zerî de babetê cîyayî dir eleqedar bî û hewl da serê rewşe ya şerî pado. 

 

'Hemverê Kurdan de hereketê îmhayî domnenê' 

 

Mukaddese dewamîya qiseyanê xo de wina ard ziwan: "Hemverê Kurdan de hereketê îmhayî 50 serrî yo xeylêk reyan ameyo cerebnayîş. Hedefê înan nika HDP yo. Bi kîn û nefretê winayîn kenê zî hêzê eskerî şawenê Mintiqaya Federe yê Kurdistanî, hukmî şawenê dadgehan, polîsan şawenê awanîyanê HDPyî. Goya keyeyê tutê înan şîyê koyan danê vernî û bi simîlasyonî serê awanîya merkezî de gênê. Hêrişî hemverê destqezencîyê Kurdan de yê. Duştê têkoşînê seyyewbînîyî ya Şarê Kurdî de yena kerdiş.  Duştê têkoşînê demokratîke de yeno kerdiş." 

 

'Hûmara eskerê ciwîya xo bedilnenê nimnenê' 

 

Mukaddese di dergîya qiseyanê xo de bale ante serê eskerê ke ciwîya xo bedilnenê û wina qal kerd: "Hûmara raste ya eskerê ke mirenê, yenê nimitiş. Ez bala xo dana ke eskerê nameyê înan yenê wendiş, cenazeyê înan yenê êdî sey 'eskerê bi pere' yenê nustîş. Seba ke keyeyî reaksîyon nêmojnê dewlete xeylêk tedbîrî yenê girewtiş. Di şerê serran ê 90yî de keyeyan vatêne tutê ma şer de yenê kiştiş. Serran ê 2000î de dem bî demê keyeyê ke sere wedarê. La nê leze bêveng kerdî." 

 

'Dimayê 2015î konseptê şerê neweyî' 

 

Mukaddese qiseyanê xo de wina domna: "Kurdan dir şer duştê şaran de danê vindîkerdiş. Şarê Kurdî bedelan bi ganê xo danê. Dewî tal kerdî. Seke ma Cizîr  û Sûrî de vîna; veşinayî, rijnayî. Rojawanê Tirkîya de zî azadîya şaran yena çinîkerdiş û ê zî na rewşe wina ciwîyenê. Xoza û çinayîşî yenê çinîkerdiş. Tena herdê Kurdan de ney, her cayî de bi metodê şerî xoza çinî kerdî. Dem bi dem adirbesî ameyî ca. Momendo tewr berz di 7ê Hezîrane ya 2015î de ame ca. Dimayê prosesê çareserîyî ya 2013î de amebî destpêkerdiş û peynî bî, konseptêke şero newe ame destpêkerdiş. Peynîbîyayîşê prosesê çareserîyî dir tecrîd û şer ame destpêkerdiş. " 

 

'Çareserî rayîro hîrêyîn o' 

 

Mukaddese peynîyê qiseyanê xo de qal kerd ke çareserîyê rewşa şerî û tecrîdî, bi sîyasetê rayîrê hîrêyînî yê Abdullah Ocalanî  ke pêşnîyaz kerdo û HDPyî fînayo ciwîye mimkun o û wina peynî ro ci ard: "Ewilî ganî şima Kurdan û Elewîyan qebûl bikerê. Şero ke hemverê Kurdan de yo, tu feydeyê ci seba şarê Tirkîyayî çinî yo û nê hêrişî girêdayeyê tecrîdê serê Abdullah Ocalanî de yê. Têkoşînê azadî û demokrasî bi sîyasetê rayîrê hîrêyînî, beno bêro mûnayîş."