ŞIRNEX / AMED - Firtoneyê qûmî yê Mintiqaya Kurdistanî ya Federe ra yeno Qilebanî, tesîrêko negatîf serê cuya merdiman de keno. Sewbîna  Amed de zî vayê tozî tesîrê xo nîşan dano.

 

Firtoneyê qûmî serê siba Mintiqaya Kurdistanî ya Federe û Iraqî ra ame Qilebanî û qezaya mesafeyê dîyayîşî heta 100 metreyan kewto. Qezaya ke seba qûmî tarî bîya merdimî zehmetî vînenê ke keyeyê xo ra vejîyê.

 

Pisporê weşîye dîyar kenê ke bi taybetî kesê nêweşîya înan ê kronîkî estê, ganî no hewa de nêvejîyê teber.

 

Amed  

 

Eynî wextî de qezayê Pasûr û Licê yê Amedî de zî serê sibayî vayê tozî rawuşt û tesîrêk negatîf serê cuya welatijan de kerd. Seba vayê tozî, bi taybetî zî merkez û dewanê Pasûr û Licê hewrê tewr pîl tê tozî virazyayî. Seba ke hewa tozin o, mesafeyê vînayîşî tay bîyo. 

 

Tesîrê vayî dewam de yo.