Oznur Deger

 

ANQARA - Welatijê Anqrayî bale ante serê problemê welatî û vatî problemo tewr pîl krîzê ekonomî, feqîrî, vaybîyayîş û problemê Kurdî yo. Neşe Nergîze ke teqawide ya wina vat: "Ma vanê şehîdê ma estê! 5 hebê bînî zî bê ma do vajê ma do reyna şehîdan danê. Çira ma şehîdan danê? Şerê çiyo? Xo bi xo danê destpêkerdiş û ca anê." 

 

Welatijê Anqara de yê duşt nînan de reaksîyon mojnenê problemê welat de yê seke krîzê ekonomî û sîyasî  û razînêbîyayîşê xo anê ziwan. Welatijê Anqarayî verpersê persanê 'Goreyê şima problemo tewr pîl ê welatî çîyo?' dayî. 

 

Problemo tewr pîl problemê Kurdî yo 

 

Sekretere Gulîstan Tekîne dîyar kerd ke, problemo tewr pîl ê welatî problemê Kurdî yo. Problemêke Kurdî yo nêameyo helkerdiş esto. Ganî lezkî bêro helkerdiş. Ganî ciwanî êdî nêmirê. Serebût êdî problemê Kurdî ra vejîyayo. Bedilîyayo têkoşînê şarî. La kes nê fam nêkeno. Çimeyê problemî israrê îqtîdarî yê di şer de yo. Yewin adresê çareserîyî Abdullah Ocalan o. Ganî lezkî masaya aştî bêro awankerdiş. Abdullah Ocalan muhatab bêro girewtiş. Her tim gonî rişêna, ganî êdî no vindero." 

 

Problemo pîl Feqîrîya 

 

Yeter Malçoya teqawide: Problemê pîlî yê welatî feqîrîya. Kar çinî yo. Welat baş rayîr ra nêbenê. Vêşêrî ma  butçe her kesî rê aqitnenê. Ganî ewilî ma xo bifikirê, dima ra dinyaya xo bifikirê. Ma vêşan ê. Eke hukmat bibedelîyo do problem hel bibo. 

 

Ti çirê şehîdan danê no şerê çîyo? 

 

Neşe Nergîze ya teqawide: Welat de her problemêke êdî muhîm o. Problemê ekonomî yî tewr cidîyo. Kîra vay a, 6-7 hezarî ya. Ez û dadîya xo teqawidê.  Ma bi meaşê asgarî debara xo kenê. Welat de kes kêfweş nîyo. Her kes bêmoral o. Coka êdî ma heme keyeyê xo de hesab kenê. Ez nêeşkena embazanê xo dir vejîyî tever çîyêke bişimî. Ciwîye zaf vay a. Çimeyê probleman hukmatê AKPyî yo. 20 serrî yo ma yenê xapênayîş û bi rotişî çîyêke welat de nêverda yo. Xo bi xo diznenê û kaykenê. Ma vanê şehîdê ma estê! 5 hebê bînî zî bê ma do vajê ma do reyna şehîdan danê. Çirê ma şehîdan danê? Şerê çîyo? Xo bi xo şer danê destpêkerdiş û ca anê." 

 

Wa her kes îstîfa bikero 

 

Saadet Nergîze ya teqawide: Ez meaşê teqawidbîyayîşî gêna û kîloyê firingîyan 15 lîra ya. Seba faturayê xazî û ceryanî her menge meaşê xo ra çek xebetnena. O pere apey nîno. Tu luksê ma çinî yo. Ma tena vanê gelo ma do senîn debara xo bikerê? Wa parlemento îstîfa bikero, wa parlemento tal bibo û şêro weçînayîşî! 

 

Butçe şerî rê aqitnenê 

 

Îlkaye ke nêwaşt peynameyê xo bido: Mi heta nê emrî  çîyêke winayîn nêvînayo. Ciwîye xeylêk vay a. Her roje zem. Ameyox çinî yo, îstîkrar çinî yo. 30 serrî verî ma welatêk  ke mirdîya xo herênayîş bîyêne. Nika her çî apey şîyo. Her çîyê ma îthal o. Herdê ma tal ê. Berardiş çinî yo. Ma girêdayeyê teberî yê. Coka nê zî vayîyî zêde yê. Butçeyî şerî rê aqitnenê. Şar zî mîyanê feqîrîyî de ciwîyeno. 

 

Cinîyêka nêwaşt nemeyê xo bido zî wina qal kerd: Problemo tewr pîl ekonomî ya. Quwetê herênayîşî nêmendo. Peynîyê ma do se bibo ma nêzanenê. Ma bi meaşê teqawidbîyayîşî debare kenê. Her çî bîyo pere,  ma nêeşkenê awe zî bişimê. Ma xo ard na rewşe. 

 

Ez paştdayîş nêdana şer 

 

Wendekare Fatma Merale: Problemo tewr pîl ekonomî ya.  Ma wendekarî nêeşkenê tu fealîyetêke bikerê. Herinda ke ma ameyoxê xo bifikirê ma vanê ma na menge çi xerc kerd. Vera ekonomî ma nêeşkenê dersan bixebetîyê. Ez bi butçeyêke qij debara xo kena. Kesê serê nê welatî de heqaretan ro şarî kenê, ganî seba nê welatî tay bifikirê. Ganî şaşîyê xo bivînê. Ez paştdayîş nêdana şerê Sûrîyeyî. Ez baştdayîş nêdana tu şerî. 

 

Ciwanî wazenê welat terk bikerê 

 

Wendekare Defne Şahîne: Yew problemêke ra tewr pîl ekonomî ya. Problemê multecîyan zî xeylêk pîl ê. Ekonomî xeylêk xiraba. Donero ke verî mi bi 20 TL herênayêne nika 45 TL yo. Berardiş çinî yo. Ganî berardiş bêro kerdiş! Di na babete de gamî nînê eştiş. Ez zî mîyan de xeylêk ciwanî wazenê welat terk bikerê. 

 

Cinîya ke nêwaşt nameyê xo bido:Problemo tewr pîl ê welatî ekonomî ya. Ganî no welat êdî bêro weşkerdiş.