RIHA - Emîne û Ferît Şenyaşarî ke 'Nobeta Edaletî' domnenê wina vatî: "Verê Edlîyeyê Rihayî de bêedaletîyêko pîl esto. Her kes nînan vîneno û zaneno. Ma persêrê dewlete silayîyê heq û edaletî kenê." 

 

Nobeta Edaletî ya Emîne Şenyaşare ke mêrde û 2 lajê xo di 14ê Hezîrane ya serra 2018î de hetê merdim û pawitoxê parlementerê AKPyî Îbrahîm Halîl Yildizî ra amebî qetilkerdiş, di 9ê Adare ya 2021î de lajê xo Ferît Şenyaşarî dir verê Edlîyeyê Rihayî de nobeta xo dabî destpêkerdiş di roja 444ine de domnena. 

 

Keyeyî seetê serê sibayî de qezaya Pirsûsî ra ameyî verê Edlîyeyê Rihayî dest bi nobeta xo kerd. 

 

Veng ro wezaretî ame kerdiş 

 

Keyeyî serê hesabê xo yê dîjîtalî de Wezaretê Edlî etîket kerd û bi no etîketo ke 'Ma sebir nêkenê!' nê mesajî pare kerdî: "Verê Edlîyeyê Rihayî de bêedaletîyêko pîl esto. Her kes nînan vîneno û zaneno. Ma persêrê dewlete silayîyê heq û edaletî kenê! Ma heqê xo wazenê!"