MERKEZÊ XEBERAN  - Vera ke Tirkîya awa Firatî birnena, çem bîyo cayê vilabîyayîşê nêweşîyan û awa ci nîna şimitiş. 

 

Polîtîkayê xusûsî yê dewlete ya Tirkîya ke Mintiqaya Rojawanî de dewam kena, vera birnayîşê awa Firatî kemî bîya û nê çîyî zî xo dir talûkeyê xedarî ardî. Xusûsî zî dewê koyanê rojhelatê Dêrazorî yê caycuwîye lêşin bîyê û xeylêk nêweşîyê seke nêweşîya jehrî û nêweşîya çermî verhîra vila bîyê. 

 

Welatijê dewê koyanê rojhelatê Dêrazorîyî awa Firatî pak kenê û dima ra şimenê, no zî tesîr ro sîstemê pawitişê bedenî keno. Hemşîreya di merkezîyê Weşîye ya Ebû El-Hesenî de, Hemde  El-Mensûre ajansê ANHAyî rê qisey kerd û ard ziwan ke rojane 30 nêweşî muracatê merkezî kenê. Zêdeyêrî 15 înan ra vera awa lêşine ya jehrî yê û yê bînî zî roqelayê înan rîm girewtê û madeyê înan dejenê, hem zî problemê çermî verhîrayêr vila bîyê. 

 

Hemde da zanayene ke merkez goreyê îmkanê xo eşkeno destdergîya nêweşan destpêke de bikero, înan ra serom û dermanê fînayîşê germinîya bedenî, vera ke na nêweşî verdena germinîyî berz bibo. Hemde dîyar kerd ke merkezê nêweşî her tim di hadrekarîyî de ya, çi heyf ke wexto firtone rawurzeno vera ke hinî merdimî estê vera tozî xeneqênê, estê. Ê do bi heme îmkananê xo talûkeyê jehrî derbas bikerê, bi xusûsî mîyanê tutan de. 

 

Hemdeye peynîyê qiseyanê xo de venga destekdayîşê heme merkezê nêweşîye yê di rojhelatê dewê koyanê Dêrazorîyî de yê kerd, bi xusûsî zî di nê wextî de vera ke awa Firatî verî ra lêşinêrî bîya, sewbîna rewşa hewayî zî yena bedilnayîş.