ADANA - Di Zîndanê Tîpê Fyî yê Kurkçulerê Adanayî de tepişteyê sîyasî seba bale biancê serê binpaykerdişê heqan dest bi grevê vêşanîye kerdî û grev do 2 rojî bidomo. 

 

Di zîndananê mintiqa û yê Tirkîya de binpaykerdişê heqê tepişteyan roj bi roje zêdeyêr benê. Yew nê zîndanan ra Zîndanê Tîpê Fyî yê Kurkçulerî yê Adanayî yo. Tepişteyê ke  keyeyanê xo dir qisey kerd, eşkera kerdî ke, do duştê binpaykerdişê heqan de dest bi grevê vêşanîye bikerê. 

 

Tepişteyê ke bi rayîrê keyeyê xo bale ante serê rewşe zîndanî û wina vatî: "Werd zaf xirab danê. Vera ke cigêrayîşê bi teferuatî qebûl nêkenê ma nêbenê nêweşxaneyî. Sewbîna rojname û kovarî zî nêdanê tepişteyan." 

 

Tepişteyê ke seba bale biancê serê binpaykerdişê heqan, do 1ê Hezîrane de dest bi grev bikerê û do 2yê Hezîrane de zî grevê xo peynî bikerê. 

 

Keyeyê tepişteyan venga hişyarîyî kerdî.