ÊLİH - Hûmara cinîyê di Êlih de bi sereştişê keyeyan de ameyê destbendkerdişî vejîya 19î. 

 

Serdozgerîya Komare ya Êlihî di cipersayîşê bi îdîayê 'Endamîya Rêxistine' dayo destpêkerdiş de derheqê 20 cinîyan de qerarê destbendkerdîşî da. Pêwa qerarî polîsan di merkez û xeylêk qezanê Êlihî de serê keyeyan de girewt û xeylêk sîyasetmedarî û aktivîstê Hereketê Cinîyan ê Azadan(TJA) zî di mîyan de yê 16 cinî destbend kerdî. 

 

Çarçewaya eynî cipersayîşî de vizêrî zî Amed û Îdir de cinî ameyê destbendkerdiş. Aktivîstê TJAyî ra Hatîce Tanirgan û Leyla Bayram Amed de ameyî destbendkerdiş. Wurdî cinîyî ardî Mudurîyetê Polîsan ê Êlihî. 

 

Humara cinîyê ke di çarçewaya cipersayîşî de ameyî destbendkerdişî vejîya 19î.