Nişmîye Guler 

 

MERKEZÊ XEBERAN - Bêşik ma TRT Xeberî ra ke bi polîs û persêran dir benê yew û Kongreya Demokratîke ya Şaran sûcdar îlan kenê, etîkê muxabîrîyî nêpawenê. 

 

Her hewte ma di quncikê xo yê medyaya krîtîkî de, ma tay sernameyê di çapemenîya hewize de yenê destgirewtiş teşhîr kenê. Nê teşhîrî zî benê fînakê 'Çapemenîyêke senîn mimkun nîya' hewênenê. Di no rayîro ke ma vat vurîyayîş di ziwan de  destpêkeno de bi rik hedefê ma no wo ke ma ziwanê çapemenîya serdeste bibedilnaye û etîkê rojnamegêrîyî ma da verê xo. 

 

'Hemverê Kongreya Şaran de serdegirewtiş' 

 

Ma bêrê babeta xo ya nê hewteyî. Belki şima teqîb kerdbî, eke şima teqîb nêkerdbî zî muheqeq cayê ke ra ameyo verê çimanê şima. Di 3yê Hezîrane de Merkezê Pêroyî yê HDKyî yê Beyoglû yê Stenbolî de hetê polîsan ra di çerçewayê cipersayîşê hetê Serdozgerîya Komare ya Tekirdagî ra amî rayîrşîyayîşî û eşt serê ci. Ma matmende nêmendî û ma na çapemenîya hetkerdoxe ra bandêr bîyî. Pêwa awanîya HDPyî polîsan eşt serê Dernege ya Komeleya Teqîbkerdişê Barkerdeyan(GOÇÎZDER). Bêşik destbendkerdiş zî virazîyayî. 

 

TRT Xeber hema cayê serebûte de yo 

 

Tîya de her çî beno ke normal bêro vînayîş. Ez o bêra heto baleante. Malûmatê ke nêdayê avûkatan di xeberê çapemenîya hetkerdoxe de ameyî vînayîş. Asayeno ke seba înan kelecanêke pîl o ke heme xeberî sey manşetî dayî. Heto bîn o baleante zî hema di awanîyî de cigêrayîş dewam kerdêne. TRT Xeber di cayê serebûte de bî. 

 

Rojnamegêr wezîfeyê xo ano ca 

 

Serê sibayî di seete 08:00î de TRT Xeber kewt weşanê ganî û ca de vatişê muxabîrê cayê serebûte. Bêşik seetê rojnamegêrî çinî yê, la di a seete de ke hema polîsan cigêrayîş kerdê, muxabîrî a seete de uca de bî, hinî baleante bî. Rojnamegêrî xo wina da bî ke hewldayîşê polîsan ê ke bi zor kewtîbî zere, seke 'polîsî bêçare mendê ber şikito' neql kerdêne. Asayeno nêameyo vîr ke ' Eke hayîdarî bidayêne îdarekarêke HDKyî do ber abikerdêne'. Rojnamegêr bi heraretêke pîl humara destbendkerdişan û kamcîn şaristan de çende destbendkerdeyî estê, neql kerdêne. 

 

Dimayê nê, rojnamegêr vatişê xo peynî keno û wezîfeyê xo yê pîrozî temam keno. Sûcdarî eşkerayê. Kongreya Demokratîke ya Şaran a. 

 

Aye ke cîya kena çîya? 

 

Ez wazena nînan bibersî. Ma sey çapemenîya azade bi serrano wareyan de yê. Ma bi da-des reyî şahidîya sereştişan kerd. No çîyêke newe nîyo. La heta ewro biverdê, ma bigîrê nuqteyo ke cigêrayîşê polîsî ci de estê, destûr nêdanê ma pêwa derbas bibê. Gelo çîyêke cîyayî kenê mabênê ma û TRT Xeberî, çîyo? Bêşik weşaneyê hetkarê dewlete yê. La cayêke vanê uca bê hema uca yê, çîyo ke ganî sûcdar bêro îlankerdiş hema rayaumûmî rê deklerê kenê. Coka wezîfeyê înan o asasî meşrûkerdişê çîyê ke dewlete kenê. 

 

Şima o wext kam der de bî? 

 

TRT Xeber wexto ke cinîyê ke yena qetilkerdiş gelo şino cayê serebûte? Yan zî wexto ke tecawuzê tutê ke yeno kerdiş şino? Cinîyî rastê sîdetî, tacîzî ameyê,  vengê dadîyê ke seba tutanê xo di Nobeta Edaletî de yê... Gelo seba nînan hewl danê? Seba vengê merdimê duştê hukmî de reaksîyonê xo mojnenê ra, danê hesnayîşî? Wendekarê hetê polîsan ra şîdet vînayê, neql kerdê gelo? Dadîyê ke şîdet vînayê hetê TRT Xeberî ra gelo ameyê vînayîş? Zaf zêdeyê, la verpers yew çîyêke yo 'Nê'! 

 

Ma çapemenîya azadê şima zî yê hewize yê 

 

Bêşik TRT Xeberî ra ya ke bi talîmatî verê Merkezê Pêroyî yê HDKyî de  bîyî, etîkê rojnamegêrîyî nînê pawitiş. Ma seba rojnamegêrîya etîke têkoşîne kenê.

 

Pêwa heme tehda ma hewl danê heqîqetî biresnê şarî. Ma seba rojnamegêrî nê welatî de bikerê tîya de hewl danê. Ma bi polîs û persêran dir hetkarîye nêkenê! Welhasil ma çapemenîya azade, şima zî yê hetkarê...