AMED - Ame zanayîş ke qerarê sînorkerdişî yê serê  dosyaya 21 kesê ke 20 ci ra rojnameger ê dewam keno û rojnamegerî hucreyê yew kesî de yenê tepiştiş. 

 

21 kesê ke 20 ci ra rojnameger ê, çarçewaya operasyonê Serdozgerîya Komare ya Amedî dabî destpêkerdiş de amebî destbendkerdiş hema destbendkerde yê. Serê dosyaya rojnamegerê ke Mudurîyê Polîsan ê Amedî de yenê tepiştiş, qerarê  sînorkerdişî esto. Rojnamegerê ke hema bi çi yenê  sûcdarkerdiş, hucreyê yew kesî de yenê tepiştiş.

 

Nameyê rojnamegerê ke ameyê destbendkerdiş wina yê: “Mudûra JINNEWSî Safiye Alagaş, edîtora JINNEWSî Gulşen Koçûk, Hemserekê Komeleya Rojnamegeran ê Dîcle Firatî Serdar Altan, Mudûrê Karê Nuşteyê yê Rojnameyê Xwebûnî Mehmet Alî Ertaş, muxabirê Xwebûnî Zeynel Abîdîn Bulut,  edîtorê Ajansê Mezopotamyayî (MA) Azîz Orûç û rojnameger Omer Çelîk, Lezgîn Akdenîz, Mehmet Şahîn, Sûat Dogûhan, Ramazan Gecîken, Neşe Toprak, Îbrahîm Koyûncû, Esmer Tûnç, Mazlûm Dogan Guler, Elîf Ungur, Remziye Temel, Abdurrahman Oncu, Kadîr Bayram, Mehmet Yalçin." 

 

Çarçewaya eynî cipersayîşî de Feynaz Koçuk zî Gebzeyî de amebi destbendkerdiş.