MERKEZÊ XEBERAN - Swîsre de seba rojnamegeranê Kurdan ke Amed de ameyî destbendkerdiş kampanya ameye destpêkerdiş. Metnê kampanya de bi rojnamegeran dir paştdayîş ame kerdiş.

 

Hemverê destbendkerdişê 21 kesê ke 20 ci ra rojnameger ê û 8ê Hezîrane Amed de ameyî destbendkerdiş, reaksîyonî zêde benê. Swîsre de pêwa SOLIFONDS, Mojust International Fondation, medico international schweiz, Plattform fu¨r Frieden und Solidarita¨t, SP Schweiz, Collectif Question Kurde de l'Université de Genève, Basta, Demokratische Juristinnen und Juristen der Schweiz DJS, Solidarité sans frontières, VERT-E-S Suisse zêdeyê 20 sazgehê komelî yê sivîl, partiyê sîyasî û rêxistinê heqî vengdayîşêk kerdî û waştî ke rojnamegerî qetî bêrê veradayîş. Metnê vengdayîşî de îşaret bi zêdebîyayîşê tedayê serê azadiya fikir û îfadeyî yê Tirkîya ame kerdiş û ame neqlkerdiş ke  Tirkîya seba rojnamegeran bîya sey zîndanêk."

 

Eşkerayî de vengdayîş Tirkîya ame kerdiş ke goreyê huqûqê mîyanneteweyî têbigêro û rojnamegerê destbendkerde qetî vera bido.

 

Beşêk kesê ke beşdarê kampanya bîyê wina yê:

 

"Jean Ziegler, Erica D. Ziegler, Prof. Radha D’Souza, Margaret Owen, Les Lewidow, Siobhan Wall, Juan Gasparini, Desmond Fernandes, Estella Schmid, Cornelia Rohr, Fréderike Geerdink, Engin Sustam, Solange Zongo, Assmaa Shaban, Raquel Vidal, Viviana Fiorentino, Therese Kieran, Ragıp Zarakolu, Lami Özgen, Miriam Turley, Steve Sweeney zî mîyan de Swîsre, Îngilistan, Freansa, Elmanya, Îrlanda, Yewnanistan, Tirkiye, Swêd, Hollanda û Hindistan ra zêdeyê sed akademîsyen, pawitoxê heqê merdiman, nuştox, rojnameger, parlamenter û temsîlkarê sazgehê komelî yê sivîl tewr bî"

 

Kesê ke wazenê tewrê kampanya bibê eşkenê mail bişawê adresê journalistesolidarite@gmail.com yan zî serê keyepelê https://form.jotform.com/221605337173047  form de biresê.