ÎZMÎR - Îdîl Ûgûrlû da zanayene ke rayîr ra şîyayîşê Gemlîkî û Kadikoyî de seba azadîya Rayberê PKKyî Abdullah Ocalanî ame waştiş de gamêke ameya eştiş û vat Rayîr ra şîyayîşê Gemlîkî îfadeyê îradeyê şarî yo. 

 

Bi şîarê 'Duştê sîstemê tecrîdî de seba pawitişê azadîyî ma şinê Gemlîk' Gemlîkê Bursayî û Kadikoyê Stenbolî de rayîr ra şîyayîş ame ca. Di rayîr ra şîyayîşî de azadîya Abdullah Ocalanî amî waştiş. Endama Meclîsê Cinîyan ê HDPyî Îdîl Ûgûrlû da zanayene ke rayîr ra şîyayîşan de îradeyê şarî vejîya werte û îqtîdar zî nêeşkeno nê nêvînayîşî ra bêro û wina ard ziwan: "Hêrişê hemverê parlementeranê welatijan de ke di çalakîyî de ameyê zî ters û bêtehemulîyî ramojneno. Rayîr ra Şîyayîşê Gemlîkî îfadeyê îradeyê şarî yo." 

 

Rayîr ra şîyayîşê Gemlîkî rayîr şîyayîşêke erey mende yo 

 

Îdîle beyanat kerd ke rayîr ra şîyayîşê Gemlîkî rayîrşîyayîşêke erey mende yo û wina vat: "Dimayê weçînayîşê 7ê Hezîrane heme hêzê dewlete hetê hukmatî ra ameyê xebetnayîş, nê dir zî tecrîd ame girankerdiş, nêverdayî Ocalan avûkatanê xo dir pêvînayîş bikero. No tecrîd serê komele de zî ame ca. Hewldayîşê înanê ke wazenê rejîmê xo mende bikerê bêmabên domna. Wexto nê kerdî zî, xoverdayîşî dir ameyî rî bi rî. Her roje seba polîtîkayê şerî pere resina û şar feqîr kerd." 

 

'Paradîgma her cayî de vila bî' 

 

Îdîle di dewamîyî de no erjnayîş kerd: "Îqtîdar çareserîyî baş zaneno. Îqtîdar şarê Rojhelatê Mîyanênî bê çareserî verdeno û paradîgmaya ke umîdê şaran bî, hedef gêno. Na paradîgma yewîyîya şaran vetêne werte. Roja ke kapîtalîst bîyaye bîyo çîyêke warenêardê. Heme hewldayîşê înan seba rezîvekerdişê xo bi. Heme merdimî di standardîyêke ciwîyayîşî de hewênayêne. La o zî werte ra wedarîya. Seba ke heme şarî wareyê ciwîye ra cîya kenê û benê multecî." 

 

'Rayîr ra şîyayîşê Gemlîkî îradeyê şaran o' 

 

Îdîle beyanat kerd ke paradîgmaya HDK û HDPyî ke Abdullah Ocalanî seba Rojhelatê Mîyanênî aver fînaya, di netîceyê têkoşînê şaran û muxalîfan de awan bîyo û wina dergî da qiseyanê xo: "Şaran di 21ê Adare de, 8ê Adare de, 1ê Gulane de îradeyê xo îfade kerd. Vatî hêzê çareserî Birêz Ocalan o û  ganî berê Îmraliyî abê. Îradeyo ke di rayîr ra şîyayîşê Gemlîkî de vejîyawo werte zî pratîkê nê bi. Her kes wayîr ro na paradîgma vejîya. Kadikoyî de zî pêwa heme manîyan çalakîyê ke amî ca û hemverê parlementeran de hêrişêke ame ca. No zî ramojneno ke îqtîdar bêtehemul o û tersen o. Wastişê azadîya Abdullah Ocalanî ame berzkerdiş û gamêke pîl ameye eştiş." 

 

'Gelo îradeyo ke Gemlîk de vejîyawo werte do çinî bihesebnê?' 

 

Îdîle da zanayene ke îqtîdar di serranê peynî de wazeno têkilîyê Kurdan hêzê demokratîkî dir bibirno la rewşe  eksî bîya û nê çîyî beyanat kerd: "Welatijan her çîyî dayî verê çimanê xo û bîyî yew veng. Destbendkerdiş û tepiştiş dayî verê çimanê xo. Hetê sîyasî şîyî uca. Hêzê Gezîyî weyra de bî. Şerêke di Rojhelato Mîyanên de esto. Hêzê emperyalî Stenbol û Gemlîk nizdî ra teqîb kerdî. Gelo do nê îradeyî çinî bihesebnê?" 

 

'Ganî bivînê ke nêeşkenê vernîyê nê îradeyî de vinderê' 

 

Îdîle wina peynî ro qiseyanê xo ard: "Îqtîdar wazeno her çîyî bigîro dest, nê mojneno şarî zî. Îqtîdar wazeno komele dîzayn bikero, wexto nê keno zî her çîyî xebetneno. Pêwa  her çîyî vîneno. Ganî bizano ke nêeşkenê vernîyê  îradeyê şarî de vinderê."