ENQERE - OHDyî seba roniştişê dewaya Qirkerdişê Dedeogullari vengdayîşê tewrbîyayîşî kerd û vat: “Ma vengdayîşê wayîrvejîyayîşê dewaya Dedeogullari her kesî kenê.” 

 

Roniştişê dewaya qirkerdişê 30ê temmuze serra 2021 de qezaya Meramî ya Konyayî de hemverê keyeyê Dedeogullari de ameyo kerdiş, do 28ê hezîrane de 4in Dadgeha Cezaya Giran ya Konyayî û roniştişê dewaya hêrişê nîjadperest ê 12’ê gulana 2021 de hemverê keyeyî ameyo kerdiş zî do 1ê temmuze de 8in Dadgeha Cezaya Giran ya Konyayî bêro vînayîş. 

 

Şubeyê Komeleyê Huqûqnasê seba Azadîye (OHD) ê Anqarayî seba beşdarbîyayîşê roniştişî veng da. Eşkarîye de ame dîyarkerdiş ke netîceyê hêrişê nîjadperestî yê 30ê temmuze 2021î de ke vernîya ci nêameyo girewtiş, yew keyeyî ra 7 kesî bi hawayêke plankerde ameyê qetilkerdiş. 

 

Eşkerayî de ame vatiş ke prosesê hukmî yê derheqê hêrişê nîjadperestî û qirkerdişî de dewam keno û eşkerayî wina peynî bî: “Hêrişê 12ê gulana 2021 de û qirkerdişê 30ê temmuza 2021î de bi hawayêke akerde girêdayê yewbînan ê la waştişê yewkerdişê nê her di dosyayan ame redkerdene. Pêroyî versûcî bêtepişte yenê muhakemekerdiş. Rewşa muhakemekerdişî yew ci ra polîtîkayê nêcezakerdişî yo û no zî vernîya endîşeyan akeno. Waştişê seba muhakemekerdişê wezîfedarê yê îhmalê înan serebûtî de esto zî bêcewab yeno verdayîş. Ma vengdayîşê wayîrvejîyayîşê dewaya Dedeogullari her kesî rê kenê. Sewbîna ma venga heme sazgehê huqûqî yê demokratîk ke wareyê heqê merdiman de xebatan kenê ke beşdarê roniştan bibê.”