AMED - Qerarê tepiştişî yê derheqê parlamentera HDPyî ya verê Çaglar Demirel de ame wedaritene. Çaglare bi iddiayê, "Heqaretê Serekkomarî" ra yena muhakemekerdiş.

 

Roniştişo yewin ê dewaya parlamentera HDPyî ya verê Çaglar Demirel bi iddiayê "Heqaretê Serekkomar" ameye muhakemekerdiş, 5in Dadgeha Cezaya Esliyeyî yê Amedî de ame vînayîş. Çaglar Demirel û avûkatê ci Serdar Çelebî roniştiş de amade bî. Roniştiş de ewil ame vatiş, heyetê dadgehe berdemî yo. 

 

Çaglare dima ra pawitişê xo kerd û vat, iddianame seba ci nêameyo tebligkerdiş û pêwa nê derheqê ci de qerarê tepiştişî ameyo dayîş û waştiş kerd ke no qerarê tepiştişî bêro wedaritiş.

 

Avûkat Serdar Çelebi zî waşt ke no qerarê tepiştişî bêro wedaritiş.

 

Meqamê îddayî waşt ke hisûsê kêmî bêrê temamkerdiş. 

 

Dadgehe qerar da ke îddianameyê Çaglare bi dest bêro teblîgkerdiş û qerarê tepiştişî bêro wedaritiş. Roniştiş taloqê 20ê Kanûne ame kerdiş.