MERKEZÊ XEBERAN - Bajarokê Xanesorî yê Şengalî de bi rayberîya TJCÊyî de Şehîdê 14ê Temmuze bi kombîyayîşêkê ameyî yadkerdiş. Kombîyayîş de ame vatiş ke xoverdayîşê zîndanê Amedî, nika Şengal û her çar parçeyê Kurdistanî de geş beno.

 

Bajarokê Xanesorî yê Şengalî de Şehîdê Xoverdayîşî yê 14ê Temmuze 40in serrgêra şehadetî de bi kombîyayîşêkê ameyî yadkerdiş. Kombîyayîş bi rayberîya Hereketê Cinîyan ê Êzidîyan (TJCÊ) bi ca ame. Kombîyayîş bi deqeyêke rêzgirewtişî ame destpêkerdiş. Dima ra serê manaya xoverdayîşê 14ê Temmuze de endama TJCÊyî Sêvê Şengalî qisey kerd. Sêvêye dîyar kerd ke xoverdayîşê vernîya 40 serrî zindanê Amedî de aver şîyo û ewro her çar parçeyê Kurdistanî de geş beno û vat: “Uca de rexmê îşkenceyê dewleta tirke xoverdayîş heta peynî ame kerdiş. Xoverdayîş wina kerd ke ewro bi hezaran şorişgêrî serê a xeta ke bi fikir û fehmê Raber Apo xo ver danê û xoverdayîş resnenê heta serkewtişî. Ma êzidî ke bi 7 serrî yo demê fermanî de bi eynî amancî tekoşînê xo girs kenê, pey heqê xo de gêrenê.”

 

Sêvêye dewamê qiseykerdişê xo de wina vat: “Her çar parçeyê Kurdistanî de şaro azadîwaştox pey bidestkerdişê heqê xo yo. Ma no xoverdayîşo ke nika Şengal de zî aver şino, ma xoverdayîşê Zîndanê Amedî ra dûr nêvînenê û ma do xoverdayîş biresnê sewîyeya serkewtişî.”

 

Dimayê qiseykerdişî, serê xoverdayîşê 14ê Temmuze de sinevizyon ame mojnayîş û bi sloganê, “Şehîdî nêmirenê” kombîyayîş peynî bi.