RIHA – Nobeta edaletî ya Emîne Şenyaşar û lajê ci Ferît Şenyaşarî hema zî dewam kena. Keye, ewro zî nê mesajî pare kerd: “Sere de Edlîyeyê Riha û kesê ke qêrînayîşê edaletî yê her cayê welatî de berz kenê rê bêveng manenê do vînî bikerê.”

 

Çalakîya Nobeta Edaletî ya Emîne û lajê ci Ferît Şenyaşar ke vernîya Edlîyeyê Rihayî de daya destpêkerdiş, roja 492ine de dewam kena. Nobeta Edaletî de Emîne Şenyaşar seba nêweşîya xo nêeşka beşdar biba, lajê ci Ferît Şenyaşar wareyê ke sey, “Qûncikê Nobeta Edaletî yê Keyeyê Şenyaşarî” yeno namekerdiş da destpêkerdiş. 

 

Keyeyî serê hesabê xo yê medyaya dîjîtale de hesabê Serekkomarê AKPyî Tayyîp Erdoganî, Wezaretê Edaletî û Wezîrê Edaletî Bekîr Bozdag etiket kerd û nê mesajî pare kerd: “Sere de Edlîyeyê Riha û kesê ke qêrînayîşê edaletî yê her cayê welatî de berz kenê rê bêveng manenê do vînî bikerê.”