Şehrîban Aslan

 

AMED - Cinîya bi nameyê Halîme Karakaş ke hetê Mehmet Kadrî Karakaş ra ameyîne tehdîdkerdiş û asayîşê ganê aye çinbi, derheqê aye de qerarê pawitişî amebi girewtiş la qerar ame redkerdiş. Îtîrazê seba  wedaritişê ke ame kerdiş zî ame redkerdiş.

 

Amed de cinîya bi nameyê Halîme Karakaş hetê Mehmet Kadrî Karakaş ke ey dir zewicnayebî û sewîyeya fekveradayîşî de bî ameye tehdîdkerdiş. Derheqê Halîme de qerarê pawitişî amebi dayîş la qerar hetê 2yîn Dadgeha Keyeyî ya Amedî ra ame wedaritiş. Avûkate îtîrazê qerarî kerd la 3in Dadgeha Keyeyî ya Amedî red kerd.

 

Dadgehe red kerd

 

Avûkata dosyaye Elîf Îpek Tîrenç Ulaşe reaksîyon vera qerarê dadgehe da û bi nê vatişan ercnayîş kerd: "Dadgehe derheqê Mehmet Kadrî Karataşî de çarçewaya qanûnê hûmara  6284ine de qerarê dûrvistişî da. Qerar, bi hemkarîya emnîyetî ame teblîgkerdiş la ame famkerdiş ke teblîg, hetê hemverî rê nêameyo kerdiş. Ma zî bi waştişnameyêkê waştiş kerd ke qerarê wedaritişî bêro betalkerdiş û ma dîyar kerd ke 2yîn Dadgeha Keyeyî ya Amedî derheqê Mehmet Kadrî Karakaşî de qerarê tedbîrî dayo la Mehmet Kadrî Karakaş, Halîme Karakaşe bêzar kerdo û seba nê zî qerarê bi zorî hepskerdişê ci ameyo waştiş. Serebûtê somutî de, dosyaya ke ameya cigêrayîş de 2yîn Dadgeha Keyeyî ya Amedî waştiş red kerd û qerar da ke dosya teslîmê dadgehe bêro kerdiş."

 

Elîfe da zanayîş ke gumanbarî menga çarine de qerarê pawitişî binpay kerdo û seba muracatê gerrekerdişî zî gumanbarî rê nêameyo teblîgkerdiş, ameyo redkerdiş.

 

Elîfe tewr peyîn qiseykerdişê xo de dîyar kerd ke do muracatê rayîrê huqûqî bikerê.