AMED - Qaymeqamê Kercewsî Server Sinanoglu ke bi alkol makîne ramito û bîyo sebebê merdişê tutê 13 serrî ame tepiştiş.

 

Taxa Akpinarî ya qezeya Bîsmîlî ya Amedî Mûhammed Çelîk (13) demo ke waşt cade ra derbaz bibo, netîceyê pirodayîşê wesayîtê Qeymeqamê Kercewsî Server Sînanoglu ke bi alkol û lezabez wesayît ramitêne, dinyaya xo bedilnaye.

 

2 kesî birîndar bî

 

Qaymeqam demê qezayî de, sere de dano Mûhammedî ro û dima ra zî wesayîtê ke trafîk de vinderteyê dano înan ro. Qeza de Mûhammed û şoforê wesayîtî trafîk de vinderte bîyê, birîndar benê. Birîndaran wedarnenê nêweşxane, Mûhammed dinyaya xo bedilna û tedawîyê şoforê bînî zî dewam keno.

 

Muhakemeyê yewin de ame veradayîş

 

Dimayê qeza, şan de Qaymeqam sewqê dadgehe ame kerdiş û ame veradayîş. Avûkatê keyeyê Mûhammedî qerar qebûl nêkerd û reyna qaymeqam ame destbendkerdiş. Vejîya werte ke  Qaymeqam alkol xebitnayo. Qaymeqam dimayê dadgeha Bismîlî de ame tepiştiş û ey şawitî Zîndanê Tîpê E yê Mêrdînî.