MERKEZÊ XEBERAN - Bi munasebetê Şorişê Rojawanî de semîner ame organîzekerdiş û cinîyan bale ant serê rolê cinîyan ê şorişî ser o.

 

Temsîlkarîya Kongreya Starî ya Başûrê Kurdistanî seba serrgêra şorişê Rojawanê Kurdistanî de semînerêk Silêmanî de organîze kerdî.

 

Saetê şanî de Temsîlkarîya  Kongreya Starî ya Başûrê Kurdistanî ofîsê xo yê Silêmanî de bi wesîleyê serrgêra şorişê 19ê Temmuze ya Rojawanî de semînerêk organîze kerd.

 

Semînero ke xeylêk cinî amade bî, bi deqeyêk rêzgirewtişê seba  têkoşerê azadîye dest pêkerd. Dima ra mesajê  Kongreya Starî hetê Silava Silêman ra ame wendiş. Mesaj de ame vatiş, “Ma zanê ke sînorê destkird nêeşkenê tesîr serê qelb û mezgê ma de bikerê. Şima şexs û cinîyê Kurdistanî yê, seba nê ça dejêk bibo, qelbê şima dejeno. Her cayêk hêriş bibo, şima wayîrê vindertişî yê. Her cayêk xoverdayîş aver şêro, şima vengê têkoşînî berz kenê. No zî vindertişêk neteweyî yo.”

 

Dima ra Temsîlkara Kongreya Starî Lêman Şiwêş zî qisey kerd û vat: "Şorişê 19ê Temmuze de bingehê rêxistinbîyayîşê cinîyê  kurdî estbi. Seba bidestkerdişê  azadî û heqê xo yê şorişî serê nê bingehş de virazya ke amancê nê serkewtişê îradeyê cinî û Şarê Kurdî bi. Cîyayîya şorişê Rojawanê Kurdistanî pêwa heme şorişê bîn oyo ke cinî şorişê Rojawanî de temsîlkarî kenê. Seba ke şorişê Rojawanî şorişê cinîyan bi. Hemverê hêzekê wehşet sey DAIŞî de têkoşîn û xoverdayîşêk bêhempa ame kerdiş. No zî bi îradeyê cinîya azade bi ca ame.  Têkoşînê cinîya kurde dinya rê bi nimûne."

 

Dimayê qiseykerdişan derheqê têkoşînê cinîyê Rojawanê Kurdistanî de sinevizyonêk ame mojnayîş û cinîyê ke tewrê semînerî bî zî pîrozbahîyê temsîlkarîya Kongreya Starî kerdî.