AMED - Endama Însiyatîfê Edalet û Rêzdarîya hemverê Merdan avûkate Gulan Çagin Kaleli wina vat: "Do tarîx têkoşînê Emîne Şenyaşar û keyeyê ci binuso.”

 

Merdim û pawitoxê parlamenterê AKPyî Îbrahîm Halîl Yildiz 14ê hezîrana serra 2018ine de Pirsûs a Rihayî de hêrişê dikanê keyeyê Şenyaşar kerd. Netîceyê  hêrişî de mêrde û 2 lajê dayîka Emîne Şenyaşar ameyî qetilkerdiş. Seba ke kiştoxî bêrê muhakemekerdiş û tepiştiş, Emîne Şenyaşar û lajê ci Ferît Şenyaşar ke qirkerdiş ra bi birîndarî xelas bîbî 9ê adara serra 2021ine de vernîya Edliyeyê Rihayî de dest bi Nobeta Edaletî kerdibî. 

 

Derheqê babete de Endama Însiyatîfê Edalet û Rêzdarîyê hemverê Merdayan avûkate Gulan Çagin Kaleli, ercnayîş kerd. 

 

'Keye reyna lazimî vîneno ke çîyê ke ciwîyayo qal bikero’

 

Gulane dîyar kerd ke heqê girewtişê şînê hem derheqê kesê dinyaya xo bedilnayê û hem zî ê merdimanê înan o û wina vat: “Bi taybetî Kurdistan de  babeta şînî xeylêk muhîm a. Sey nimûne ma vajê; keyeyê şînî yenê awankerdiş, şîn heta hîrê rojan dewam keno, xeylêk kesî yenê serdanê keyeyî. La ma nimûneyê Keyeyê Şenyaşarî de nê nêvînenê. No  pratîkêko kenê vernîya kulturê xo yo. Yanî keye nê çî vano: 'Heqê min ê girewtişê şînê pey de maneno, cigêrayîşê min ê edaletî vernî de yo. Cigêrayîşê edaletê keyeyî dewam keno. Demê cigêrayîşê edaletî yê keyeyî de her tim dozgerê ke dosyaya înan ewnîyayîne, vurnayîne. Coka keye mecbûr maneno ke her roje çîyê ke yenê sereyê înan neql bikerê. Demo ke merdim mecbûr bimano ke her tim agêro çîyê ke ciwîyayê o wext heqê girewtişê şînê înan zî yeno astengkerdiş. No zî aseno travmayêkê ke xo  tim newe keno.”

 

'Nobeta Edaletî mesajêke ya’

 

Gulane dîyar kerd ke Nobeta Edaletî ya Emîne û Ferît Şenyaşar dayê destpêkerdiş mesajêke komel û hukmî ro yo û wina vat: "Dewlete waştişê azadî û heqî çin hesibnena. Huqûq seke aparetêkê xebitnena. Ma goreyê çarçewaya normê huqûqî yê wişk de şîn name nêkenê. Tena seba heqê girewtişê şînî ney, ma eşkenê vajê astengîyê vernîya heme  heqan berardişê nê zîhnîyetî yo. Labelê girewtişê şînî normêk ehlaqî yo. Heme komel serê nê vê metodî de pê keno. Emîne Şenyaşar bî sembola edaletî."

 

'Têkoşînê Emîne Şenyaşar sey dersêkê yo'

 

Gulane da zanayîş ke têkoşînê Emîne Şenyaşar sey dersêkê yo û wina vat: "Emîne Şenyaşar yew kerraya sîstemê huqûqî tirkî ya ke rijeno. Do tarîx têkoşînê Emîne Şenyaşar û keyeyê ci binuso. Keyeyê Şenyaşarî mesajêk dano dozgerî û dadgeran. Ma eşkenê vajê şar mesajêk dano ma avûkatan zî.  Têkoşînê Emîne Şenyaşar sey dersêkê yo.”