ANQARA - Endamê PMyî yê serdema newe yê HDPyî Nilgun Salmaner û Hacer Elçin dîyar kerdî ke do meclîsê cinîyan ê serdemê newe de bibê hêzê safîkerdişî, do na seserre biba ê cinîyan. Cinîyan vatî, ma nê hêzî şorişê cinîyan ê Rojawanî ra girewto. 

 

5in Kongreya Awarte ya HDPyî 3yê Temmuze de Eywana Sporî ya Anqarayî de ameye organîzekerdiş. Kongre de 100 esil, 50 yedek, 30 kesî zî bî endamê Meclîsê Partîyî yê fahrî. Dimayê kongreya Meclîsê Cinîyan ê HDPyî bi endamê PMyî yê newe 16ê Temmuze de merkezê xo de kombîyayîş kerd. 63 cinîyê endamê Meclîsê Cinîyan û parlamenterî beşdarê kombîyayîşî bî. Kombîyayîş de cinîyan qalê rêxistinbîyayîş û têkoşînê ke do cinî serdemê newe de vejê vernî, ame kerdiş.

 

Endamê PMyî yê serdemê newe yê HDPyî Nilgun Salmaner û Hacer Elçin derheqê xeta têkoşînî yê newe de ercnayîş kerd.

 

'Oyo ke vejîya werte zî qerarê seba dewamîya têkoşînî bi’

 

Nilgune vat, bi des hezaran kesî kongre de ameyî têhet û wina vat: “Na serre kongre weşêr û tewr bi hêz derbaz bî. Rengî bî û vengê cîya ci de ca girewtî.   Operasyonî her tim bî û HDP reyna pîl bi. Oyo tewr weş zî o bi ke şar mesajê 'Şima se kenê bikerê şima do nêeşkê bikewê vernîya nê yewbîyayîşî' no mesajêk zaf muhîm bi. Ma bi perspektîfê ma do senî nê têkoşînî pîl bikerê meclîsê partîye awan kenê. Yew maddaya muhîm aye bî ke cinî tewr zêde beşdarê kongre bî. Ma bi hawayêke stratejîk rojeve erjna. Çîyo ke vejîya werte zî seba dewamê têkoşînî bi."

 

'Do meclîsêk cinî yê her ware de vatişê xo vajo, bibo’

 

Nilgune dîyar kerd ke cinî seba cuya newe awan bikerê vejîyayê werte û wina vat: "Cinîyê HDPyî paradîgmayê xo rê wayîr vejênê û do rêxistinbîyayîşê xo dewam bikerê. Sewbîna ê do nê serdemî de zî xebatê ma yê seba cinîyanê Rojhelatê Mîyanên û dinya bêrê têhet. Gama ke ma vanê rayîrê hîrên ma qalê rayîrê hîrên ê têhetameyîşê cinîyan û têkoşînê hempar kenê. Do meclîsêk cinîyan ê her ware de vatişê xo vajê, bibo.”

 

'Ma prosesêkê muhîm ra derbaz benê'

 

Hacer Elçin zî da zanayîş ke ê seba azadîya cinîyan têkoşîn kenê û wina vat: "Meclîsê cinîyan xeylêk  ciwan û rengîn o. Bîyayîşê cinîyê ciwanan ê kongreyî de me kêfweş kerd. Kombîyayîşê ma yê meclîsê cinîyan de ma do se bikerê ame munaqeşekerdiş. Ma  prosesêkê muhîm ra derbaz benê. Hetêk ra hêrişî hemverê HDPyî heyêk zî serê cinîyan de est o. Ma do xetêke senîn ya têkoşîn awan bikerê, ma nê ser de vindertî. Yew wezîfeyê ma yê esas o yo ke ma meclîsî awan bikerê, ma nê ser de vindertî. Yew wezîfeyê ma yê esas zî oyo ke ma meclîsê xo  ew e bi hêz bikerê."

 

‘Ma şorişê cinî yê Rojawanî ra feyz gênê’

 

Hacere dîyar kerd ke HDP partîya cinîyan o û vat: “Hemverê qirkerdişê cinî do têkoşînê ma dewam bikero. Ça de cinîyêka HDPyî bibo, ma berpirsiyarê roşinkerdişê a cinî gêno serê xo. Rejîmê camêrdî yê yewperestî vernê de cinîyan keno hedef. Tena bi vatişêkê Erdoganî Peymana Stenbolî ame feshkerdiş. Pêwa heme hêrişê îqtîdarî ma zanê ke seserra 21in ê cinîyan o. Şorişê cinî yê Rojawanî seserra 10ine de yo. Ma nê ra feyz gênê û fek têkoşîn ra vera nêdanê. Hem dinya hem zî Tirkîya de ma do vatişê xo yê hempar ê hemverê rejîmê yewcamêrdî de têkoşîn bikerê. Ma do destkewtişê xo peyser nêdê û ma do destkewtişê newe zêde bikerê.”