AMED - Derheqê 4 mamosteyê ke verê tabeleya "Hûn bi xêr hatin" ya qezaya Gogsîyî de nîjadperestî û heqaret kerdî de dewa ameye akerdiş.

 

Mamosteyê ke ameyî dîyarkerdiş Mektebê Sereyîn ê Karşiyakayî yê qezaya Gogsîyî ya Erziromî de wezîfe kenê, verê tabeleya "Hûn bi xêr hatin" ya qezaya Gogsîyî de nîjadperestî û heqaret kerdibî. Fotografê nîjadperestî û heqaretî serê medyaya dîjîtale de pare kerdibî. Xeylêk kesî reaksîyon vera nê parekerdişî de dabi. 

 

Pêwa şarê mintiqa, Baroyê Amedî 5ê Gulane de Serdozgerîya Komare ya Gogsîyî de gerreyê mamosteyan kerdibi. Dimayê gerre ame kerdiş, seba sucê "Qijvistişê şarêkê seba  nîjad, mezhep, dîn, sinifa komelî, cinsî" dewa ameye akerdiş.

 

Dewa Dadgeha Cezaya Esliyeyî ya Gogsîyî de ameye qebulkerdiş û riniştişê yewin do 8ê Teşrîna Peyêne de bêro vînayîş.

 

Baroyî eşkerayîye da

 

Heto bîn ra Baroyê Amedî serê hesabê medyaya dîjîtale de dîyar kerd ke ê do taqîbkerdeyê dewa bibê.