AMED - 8ine serrgêra qirkerdişê Şengalî ke hetê DAÎŞî ra ame kerdiş, Komeleya Cinîyan ya Rosa eşkerayîye da. 

 

8ine serrgêra qirkerdişê Şengalî ke hetê DAÎŞî ra ame kerdiş, Komeleya Cinîyan a Rosaye eşkerayîye da. Eşkerayî de ame vatiş ke qirkerdişê êzidîyan, qirkerdişê kurdan o. 

 

Sewbîna eşkerayîye de ame dîyarkerdiş ke germê tebaxî de xeylêk êzidîyan rayîrê koçberî de dinyaya xo bedelnayî, cinîyê êzidî bazaran de ameyî rotiş û serê nê wehşetî ra 8 serrî derbaz bi û dinya zî temaşe kerd.

 

Dewam de ame neqlkerdiş ke cinîyê êzidî pêwa Tirkîya xeylêk welatan de serê înternetî de sey koleyê seksî ameyî rotiş û ame vatiş ke waştişê edaletî yê êzidiyan hema dewam keno û ame vatiş ke heme cinîyê ke ameyê qetilkerdiş bi rêzdarî anê xo vîr.