RIHA - "Nobeta Edaletî" ya Keyeyê Şenyaşarî 514 rojî yo verê Edlîyeyê Rihayî de dewam kena. Keyeyê Şenyaşarî çalakîya ewro de nê mesajî da: “Têkoşînê ma yê hemverê huqûqê serdestan û seba ke huqûq bêro awankerdiş, dewam keno.”

 

Çalakîya "Nobeta Edaletî" ya Emîne Şenyaşar û lajê ci Ferît Şenyaşar (Keyeyê Şenyaşarî) ke 9ê Adara 2021 de vernîya Edlîyeyê Rihayî de dayê destpêkerdiş, roja 514ine de dewam kena. Keye serê sibayî keyeyê xo yê Pirsûsî ra ame vernîya Dadgeha Rihayî û dest bi nobeta ewro kerd.

 

Keyeyî serê hesabê xo yê medyaya dîjîtale de Wezaretê Dade etîket kerd û nê mesajî pare kerd: “Seba ke hemverê huqûqê serdestan, huqûq bêro awankerdiş, têkoşînê ma yê edaletî verê berê edlîye de roja 514ine de dewam keno.”