ÎZMÎR - Cezaya hucreyî Fatma Ozbay ke nêweşa kanserî ya û Zîndanê Cinîyan ê Şakranî de yena tepiştiş, ameye dayîş.

 

Cezaya hucreyî Fatma Ozbay ke nêweşa kanserî ya û Zîndanê Cinîyan ê Şakranî de yena tepiştiş, ameye dayîş. Ame dîyarkerdiş ke bi bahaneya cezaya dîsîplînî est a, aye kerdê hucre. 

 

Fatma, 2018ine de Nêweşxaneyê Cigêrayîş û Perwerdeyî yê Mintiqaya Erziromî de seba kanserê  memikan ameye emelîyatkerdiş. Nê dir memikê aye yê hetê çepî ame girewtiş. Fatma, 8 seansî kemoterapi, 25 seansî radyoterapi vîna. 2019ine de Fatma ardî Zîndanê Cinîyan ê Şakranî û 2020î de zî seba kontrolê memikê aye yê rastî berdî  Nêweşxaneyê Cigêrayîş û Perwerdeyî yê Katip Çelebî yê Îzmîrî. Uca de ame waştiş ke ultrason û mamografî bêrê kerdiş labelê ame vatiş ke, "Sîstemê kompiturî yê nêweşxaneyî ameyo rijnayîş" û reyna Fatma ardî zîndan. Reyke bîn zî Fatma nêberdî nêweşxane. Her ke şino rewşa Fatma nêbaş bena û nêeşkena bi tena sereyê xo cuya xo dewam bikera.