HELEB - Bi sloganê, "Huner, şerê bîyayîşê azadîye yo" 1ine Festîvala Şehîd Berçeme bi rayberîya Kevana Zerdîn ê Vakur û Rojhelatê Surîye, Bajarê Helebî de roja yewine de dest pêkerd.

 

Bi sloganê, "Huner, şerê bîyayîşê azadiye yo" 1ine Festîvala Şehîd Berçeme bi rayberîya Kevana Zerdîn ê Vakur û Rojhelatê Surîye, Bajarê Helebî de roja yewine de dest pêkerd. Festîvale de pêro welatijê taxa Şêx Meqsud û Eşrefî yê bajarê Helebî beşdar bî. Meydanê festîvale bi fotografanê pekrewanê cinî yê  çeleng û fotografê Rayberê PKKyî Abdulah Ocalanî, sewbîna bi pankertê nuşteyê, "Eşq, serkewtiş wazeno” amebi xemilnayîş. Festîvale meydanê Cebenetî yê taxa Şêx Meqsudî de ame kerdiş. Festîvale bi deqeyêkê rêzgirewtişê seba cangorîyê azadîye dest pêkerd. Dima ra qiseykerdişê Rayberê PKKyî Abdulah Ocalanî ame goşdarîkerdiş.

 

'Na festîvale rengê biratîya şaran mojnena’

 

Endama Tevgerê Komelê Demokratîke ya Vakur û Rojhelatê Surîye Zelal Cegere festîvale de qisey kerd û wina vat: "Destpêk de silamê ma kelaya xoverdayîşî û şarê têkoşerî rê est o. Ewro reyke bîn, Helebo rengîn festîvalêke wina de rengê xo ramojneno. Nê   munasebetî dir ma pêro cangorîyê azadîye anê xo vîr. Serê nê esasî de şarê ma têkoşînê xo dewam keno û rayîrê ê cangorîyan taqîb kenê.

 

Projeyê Rayber Apo ke serê erjê azadîye ameyo aver şîyayîş ke ewro sîstemê Neteweyê Demokratîke biratîya şaran esas gêna. Ma vînenê pêro cîyayeyî nê wareyî de kom bîyê û kulturê xo temsil kenê. Seba ke ma bieşkê nê projeyê xo de serbikewê, ganî ma biratî û kulturê xo bipawê û tewr berz bikerê. Seba nê zî dişmin her tim hêrişî ma keno. Bi des serrî yo, şarê ma xo ver dano û nê mintiqayan ra yewe zî taxa  taxa Şêx Meqsudî ke ci de tekoşîn û xoverdayîşêkê pîl qewimyaya. Ma zî a bawerîye de yê ke şarê ma paşta ma de yo û do tu wext fek xoverdayîşê xo ra vera nêdê, heta ke ma pêro mintiqayê îşxalkerde xilas kenê."

 

Dima ra belgefîlmê serê cuya têkoşere Berçeme de ame pêşkêşkerdiş, dima ra hunermende Yesmîn Eskera ke Tebqa ra beşdar bîbî, kilaman vat.

 

Sewbîna Koma Şehîd Canda ke folklorê bajarê kobanî ya, govende pêşkêş kerd. 

 

Dima ra hunermend Bermal Çeme vejîya serê sahne,  Koma Stêra Zêrîn ê kilamanê Bajarê Qamişloyî  vejîya serê sahne kilamanê xo vat. Tewr peyîn zî hunermede Newroz Silêman ke Efrîn ra ya, kilaman vat. 

 

Festîvale roja ewilî bi sloganê, "Cinî ciwîyayîş azadî" peynî bî.