AMED - Dayîka tepişteyê Kurbanî Ozcan ke bi raporan ame tespîtkerdiş îşkence ci rê kerde, Gulan Ateşe roja diyîn ê

 

Nobeta Edaletî de nêweş kewte û wedarnayî nêweşxane. 

 

Dayîka tepişteyê edlî Kurbanî Ozcan ke Zîndanê Tîpê Tyê  Hûmara 3ine yê Amedî de yo, bi raporan ame tespîtkerdiş ke îşkence ci rê ameyo kerdiş, Gulan Ateşe vizêr vere Edliyeyê Amedî de bi waştişê şîdeto ke lajê ci rê yeno kerdiş, peynî bibo û sewqê Erziromî bibo, dest bi Nobeta Edaletî kerd. Gulane roja çalakîya ke diyîn de seba nêweşe bî wedarnayî nêweşxane. Tedawîya Gulane ke wedarnayî Nêweşxaneyê Selahattîn Eyyubî dewam kena. Ame zanayîş ke dayîke şewe otogar de menda û seba ke uca de cemidyaya, nêweş  bîya.