MERKEZÊ XEBERAN - Wendekara Unîversîteya Munzurî Gulîstan Doku ke Dêrsim de vînî bîbî, 31 aşmî tu zanayîş ci ra çin o. Dîmenê ke vejîyayî werte û ame diyarkerdiş ke do averşîyayîşê cipersayîşî bivurnê, aşma hezîrane de ya Buroyê Krîmînal ê Netewî yo.

 

Wendekara Unîversîteya Munzurî ya Beşê Averşîyayîşê Tutan ê Dibistanê Berzî  Gulîstan Dokuye Dêrsim de 5ê Çeleyî 2020ine de vînî bîbî. Bi  31 aşmî agahî ci ra nêna girewtiş. Serê vînîbîyayîşê Gulîstane dir serrî, aşmî û mewsîmî derbaz bî. Dîmenê Gulîstane ke cayê tewr peyîn de amebî vûnayîş, pastexaneyê ke Gulîstan û Zaynal Abarakov ver de munaqeşe kerdibî û dima ra wesayît rê espar bibi, kewtibî verê kamerayê MOBESEyî. Dîmenê peyîn de Gulîstane ke amebî vînayîş, anêgêraya Yurdê KYKyî. 

 

Keyeyê ke agahiya vînîbîyayîşê Gulîstane ra girewtî şî Dêrsim û muracatê emnîyetî kerdî. Netîceyê muracatî de agahî girewtî ke Gulîstane 5ê Çeleyî de saete 11.29ine de cayê vindertişê wesayîtan ê verê  walîyê taxa Ataturkî de esparê wesayîtê unîversîte bîye.

 

Vatî întîxar kerda

 

Dimayê demêke vejîya werte ke serê Pirda Dînarî ya serê Awbendî Uzuncayirî de dîmenê Gulîstane kewtê vernîya kamerayê wesayîtêk bîn û dîmenan de ame îdiakerdiş ke Gulîstane serê pirde de bîye û bi nê hewldayî ke fikrê întîxarî bêro awankerdiş. La cigêrayîşê ke herême de ameyî kerdiş de cenazeyê cîya ameyî vînayîş û derheqê Gulîstane de tu çîyêk nêame vînayîş.

 

Îdiayê întîxarî ca nêgirewt

 

Dima ra mektubêke ame îdiakerdiş aydê Gulîstane yo çapemenî de ame serwîskerdiş û waştî ke ewnîyayîşê ke întîxar kerda xurt bikerê. Keyeyî nê zûr vet û raporê ke kesa xo pirde ra nêeşto, ame weşanayîş û no zî îdiayê întîxarî rijna.

 

Keye û cinî vanê ‘Gulîstane ça de ya?’

 

Roja ke Gulîstane vînîbîya heta nika keye û rêxistinê cinîyan cigêrayîşê xo dewam kenê û seba Gulîstane bêro vînayîş û berpirsîyarî bêrê muhakemekerdiş têkoşîn kenê. Eşkerayîyê ke ameyî dayîş de diyar kerdî ke gumanbar Zaynal Abarakov yeno pawitiş.

 

Dîmenê neweyî

 

Tewr peyîn derheqê Gulîstane de aşma hezîrane de têmîyanbîyayîşêkê ame ciwîyayîş. Rayîrê ke Viyadukê Sari Saltuk vîneno de dîmenê Gulîstane ke kewtê vernîya kamera vejîyayî werte. Seba ke rayîr dûrî yo, dîmenê ke zelal nêyê û 3,5 nîmî yê,  seba bêrê başkerdiş şawitî Buroyê Krîmînalî yê Netewî. Amebî diyarkerdiş ke eke dîmenî bêrê başkerdiş, do averşîyayîşê cipersayîşî bivuryo.