SEMSÛR - Rêxistinê HDPyî eşkerayîya seba Semraye de vat, Semra Guzele îradeyê ma ya û venga, veradayîşê Semra kerd.

 

Rêxistina Partîya Demokratîke ya Şaran (HDP) ya Semsûrî derheqê tepiştişê Parlamentera HDPyî ya Amedî Semra Guzele verê bînaya HDPyî ya Semsûrî eşkerayîya çapemenî da. Xeylêk endamê partiyan beşdarê eşkerayî bî û pankartê  "Semra Guzele parlamentera şarî ya, îradeyê cinîyan a” ame akerdiş.

 

Hemserekê HDPyî yê Semsûrî Bekir Gunduz da zanayîş ke destnêdayîşê parlamentera netîceyê meseleya kurdî de yeno înkardiş û vat: “Destpêk de Wezîrê Karê Zereyî Suleyman Soylu û îqtidarê AKP-MHPyî senaryoyê Semra Guzele nuşt û destnêdayîşê aye wedaritî û dima ra tepiştî. Kesê ke vanê qey do bi nê operasyonan îradeya şarê kurdî bêro şikinayîş, bi se serre yo, xo xapênenê. Guzele hemverê nê kayanê lêşinan de sere nêtewêna. Nê adetê xo dewam kerd.”

 

Eşkerayî bi sloganê, "Semra Guzele îradeyê ma ya”, “Teda nêeşkeno sereyê ma bido tewênayîş” peynî bi.