MELETÎ - Tepişteyo sîyasî Bariş Keve yê Zîndanê Tîpê Tyê Akçadagê Meletî de ameyîne tepiştiş, bi hawayêkê bişik dinyaya xo bedelnaye.

 

Tepişteyo sîyasî Bariş Keve (25) yê Zîndanê Tîpê Tyê Akçadagî yê Meletî de hucreyê yew kesî de ameyîne tepiştiş, bi hawayêkê bişik dinyaya xo bedelnaye. 

 

Îdarekarê zîndanê ke saete 22.00ine de keyeyê Keve yê qezaya Şaxî yê Wanî de ciwîyenê gêra û dîyar kerd ke Bariş Keve întîhar kerdo. Serê agahîya merdişê Bariş Keveyî, keyeyê ci qezaya Şaxî ra ver bi Meletî ra kewt rayîr.

 

Birayê Bariş Keve, Îlkkan Keveyî ke ma ey dir bi telefon de qisey kerd, dîyar kerd ke bi Bariş Keve reyde tewr peyîn 16ê êlule roja îne de bi telefon ey reyde qisey kerdo û rewşêka negatîf hîs nêkerdo.

 

Bariş Keveyo ke derheqê ey de 6 serrî û 3 mengî cezaya zîndanî estbî, Edîrne de amebi destbendkerdiş û tepiştiş. Ame zanayîş ke Bariş Keve, vernîya 5 aşman sewqê Zîndanê Akçadagî yê Meletî rê ameyo kerdiş, hewteyêkê bi bahaneya “sûcê dîsîplînî” hucreyê yew kesî de ameyîne tepiştiş.