Melîke Aydin

 

AYDIN - Hemsereka HDPyî Aydinê Aysel Baytara da zanayîş ke îqtîdar bi hewayêkê ke seke şer welat de esto, awan keno û vat: “Hetê îqtîdaro ke şaran ano hemverê yewbînan û pey rantî eşkenê şarî bîyarê hemverê yewbînan û ganî şar hemverê nê de aya bibo.”

 

Semra Turkana qezaya Încîlîova de bi hêrişî reyde amebî rîbi rî, xo resna HDPyê Aydinî û hemsereka ci Aysel Baytar Onsele. Aysele vat, waştê ke waştê çîyê ke ameyê ciwîyayîş, keyayê Arapderî ra bimusê la bi nêzdîbîyayîşêkê nêbaşî reyde ameyê rî bi rî û vat: “Hetê îqtîdaro ke şaran ano hemverê yewbînan û rant keno û kesê wayîrê nê zîhniyetê eşkeno nê serebûtî zêde bê. Ganî şar hemverê nînan de hişyar bê. Ganî şar bi dîqet bo û nêrê nê keyan.”

 

‘Keya serebûtî sey serebûtêkê edlî qal kerd’

 

Aysele vat, Semra ke bi hêrişî reyde ameya rî bi rî û vat: “Keyeyê Semra seba serebûtî xo bêçare û tena hîs keno. Vengê ci ra ameyîne famkerdiş ke hîna binê travmayê serebûtî de bî. Ma hema şî verê keyeyî û ma serebût senîn ameyo meydan goşdarî kerd. 11ê êlule de şan de nêweşxane de raporê kuyayîşî ameyo girewtiş û qereqol de cendermeyan îfadeyê înan girewto. La bêavûkatî lezabeze îfadeyê înan girewtê. La ma bi embazanê avûkatan dir reyna îfade waşt. Îfadeyêkê bîn da. Prosesê huqûqî dewam keno.”

 

‘Keya waşt serebût sey edlî bimojno’

 

Aysele vat, vernîyê ke şêrê verê keyeyî, keyayê dewe yê Arapdere gêrayê û keya bi nêzdîbîyayîşêkê necidî serebûtî sey, serebûtêkê edlî nîşan dayo û vat: “Hîn vatişê  seke kewtê mîyanê erdî vatî. Mi telefonê wayîrê erdî waşt la vatî, telefon çin o. Nê ser de m abi keyeyî reyde kewtî têkilî. Ma her çî înan ra musayî. Ma kîşte keyeyî de yê.”

 

Şaran seba berjewendiyan anê hemverê yewbînan

 

Aysele tewr peyîn wina vat: “Seba polîtîkaya nîjadperestî, şar nê qirkerdişê lînçî xo rê meşrû vîneno. Seke welat de şerê xelasî esto, seke îşxalkerdişêk esto têgêrenê. Şar wezîfe xo rê nêra vejeno. Gelo şarê Kurdî ne welatijê esasî yê nê welatî yê. Gelo bacê xo nêdanê? Nê merdimi her ca de berardiş kenê. Îqtîdaro ke pey rantî de yo û kesê wayîrê nê zîhniyetî eşkenê vernîya serebûtê neweyan abikerê. Ganî şar hemverê nê kayan de bi dîqet bê.”