MERKEZÊ XEBERAN - Fransa de cinî xeylêk bajaran de bi rayberîya Tevgerê Cinîyanê Kurdan ê Fransayî de seba şermezarkerdişê qetilkerdişê Jîna Mahsa Amînî  ke hetê "polîsê exlaqî" yê Îranî ra, çalakîyan kenê.

 

Tevgerê Cinîyan ê Kurdan ê Fransayî (TJK-F) seba Jîna Amînî ya ke hewteyê vîyarte de Îran de seba hîn porê aye asayîne, bi îşkenceyî hetê “polîsê exlaqî” ra ameye qetilkerdiş. 24ê êlule roja Şemeyî de xeylêk bajarê Fransayî de çalakîyê protestoyî kenê. TJK-Fyî veng da pêro cinîyan, rêxistinê heqê merdiman,  hêzê demokrasî û azadîye ke beşdarê çalakîyê roja Panşemî ke do ewro Remsî û roja Şemeyî Parîs, Bordeaûx, Marsîlya û Strasboûrgî de bêrê kerdiş.

 

TJK-Fyî vat, "Jîna (Mehsa) Amînî ke bajarê Seqiz ê Rojhelatî de pêwa keyeyê xo şina Tahran, hetê polîsê exlaqî yê dewleta Îranî ra bi bahaneye ke goreyê metodê bîyaye sereyê panêdaya, bi îşkence girewtî nezaret û ameye qetilkerdiş.” TJK-Fyî diyar kerd ke dewleta Îranî hemverê çalakîkeranê cinî yê ke nêrazîbîyayîş mojnayî nê qetilkerdişê zî îşkence û tepiştişê xo dewam kerda “Îran seba bêvengkerdişî qirkerdişan keno.”

 

TJK-Fyî venga cinîyan kerd ke xoverdayîşê pîlî ê Rojhelatê Kurdistanî û Îranî her ca de bikerê û şexsê Jîna Amînî de bibê vengê heme cinîyan. TJK-Fyî venga rêxistinê heqê merdiman û rayaumumî yê mîyanneteweyî zî kerd ke bêveng nêmanê.

 

TJK-Fyî reyke bîn dîyar kerd ke qetilkerdişê Jîna bi kîn û nefret şermezar kenê û vat, “Ma serewedaritişê cinîyan ê hemverê nê wehşetê Îran û Rojhelatê Kurdistanî silam kenê. Ma venga pêro tevgerê cinîyan, sazgehê şorişgêrî û demokratîke, sere de zî venga cinîyanê Kurdan kenê ke beşdarê çalakiyê roja Şemeyî seranserê Fransa de bêro kerdiş, bê.”