RIHA - Ferît Şenyaşar bi dayîka xo Emîne Şenyaşar reyde 564 rojî bêmabên Nobeta Edaletî gêno, wina vat: “Ma wazenê no destê sîyasî ganî  bêro wedaritiş ke dozgerî bieşkê çîyê lazimî bikerê.”

 

Çalakîya Nobeta Edaletî ya Keyeyê Şenyaşarî 9ê Adara 2021ine de vernîya Edliyeyê Rihayî de daya destpêkerdiş roja 564ine de dewam keno. Emîne Şenyaşar û lajê xo Ferît Şenyaşar saetê serê sibayî de keyeyê xo yê qezaya Pirsûsê Rihayî de keyeyê xo ra ameyî verê Edliyeyê Rihayî. 

 

Ferît Şenyaşaro ke timî dayîke xo reyde nobete gêno vat, Nobeta Edaletî binê “zulmî” de dewam kena. Ferîtî wina vat: “Qêrînayîşê dayîke dinya eşnawit la seba gamêke huqûqî nêame eştiş, zulm bi destê hukmî dewam keno. Ma wazenê no edalet ganî bi ca bêro. Têkoşîna dayike bi belgefîlman, bî kitab, nika zî laçikêke dayîke ‘Pêşengehê Qirkerdişê Siyasî’ de ke Amerîka de ameya akerdiş, yena pêşkêşkerdiş. Pêwa ke pêro dinya zano zî dayîke heqdar a, serê dewa de destêk siyasî esto. Ma wazenê no destê siyasî ganî bêro wedaritiş ke dozgerî bieşkê çîyê lazim bikerê.”