MERKEZÊ XEBERAN - Yewîya Cinîyê Armenî qetilkerdişê Jîna Mahsa Emînî ke hetê ‘polîsanê exlaqî’ yê pabesteyê rejîmê Îranî ra bi îşkence ameye qetilkerdiş û şervana armenî Anuş Ebityana ke hetê leşkeranê Azerbaycanî ra ameye qetilkerdiş bi eşkerayî şermizar kerd.

 

Goreyê xebera NuJINHAyî, Eşkerayîya ke hetê Hemserekê Yewîya Cinîyê Armenî Anahîd Qasabyan û Arbi Kespiryane ra ameye dayîş de wina ame vatiş: “Hêrişê vera cenazaya cinîyan çîyêko newe nîyo. Hêrişê cenazayan raybazêko gonîn o. Îşkenceyê ke rejîmê Îranî domneno, caardişê dewleta osmanî ke vera şarê armenî de pê ard, qetilkerdişê cinîyê armenî, qetlîyamê çeteyanê DAIŞî ke vîşêrê xo kesêk qebul nêkeno û qetilkerdişê cinîyanê kurd, suryan û êzidîyî netîceyê zîhnîyetê înkarkerdişî yo. Pêkerdişê mîyanneteweyî yenê îhlalkerdiş û ganî vera nê caardişan de cinîyî bibî yew.” 

 

Eşkerayî de veng dîya rêxistinanê heqê merdiman, BM û rêxistinê cinîyan ke kerdoxî mehkemeyanê mîyanneteweyîyan de bêrî muhakemekerdiş. Eşkerayî ra dima cinîyî leçekanê xo vêşnayî.